CHOWTIME

营业中

休息中

今日朋友请食饭，佢话呢间餐厅坐得好舒服，仲可以慢慢倾计，所以拣左呢度。朋友点左个水波蛋卡邦尼意粉，我就食海虾藜麦牛油果沙律。🍝水波蛋卡邦尼意粉水波蛋做得唔错，大大只蛋，又有蛋香，唔知系咪用左日本蛋呢?个人觉得呢个意粉都做得几健康，因为烟肉比较少，反而菇有几多，有大大片的鸡脾菇、又有磨菇。🦐🥑海虾藜麦牛油果沙律又系健康之选，无用沙律酱，反而用左黑醋汁，但个汁除左酸之外，仲微微带甜，可能系加左蜜糖或者黑糖嚟调制，个味道同牛油果都几夹。海虾中等size，入口几爽。🍋柠檬蛋白派最后我地仲加多左个甜品。蛋白霜经微烤成半熟，做成cream状嘅柠檬批顶层，批底用左似系曲奇皮嘅蛋挞底，系松脆嘅。成个甜品口感非常特别，顶层蛋白霜系微温加软身，而底层嘅柠檬凝乳却系清凉而又非常硬身。餐厅环境如朋友所言非常舒服，有室内位及室外位，室外布置仲略带泰国风情，感觉好有度假feel。侍应年青有活力、又几有礼貎。总结，朋友真系无讲错，呢度非常适合朋友相聚倾计，够静又坐得舒服。