心選 (已結業)

楼上cafe好多时都系朋友聚会好地方，贪佢不限时，大家可以慢慢吹。琴晚同一班好友拣左呢间聚聚佢😆位置都几方便，系百老汇戏院侧边。地方唔算好大，但都坐得几舒服。餐厅都几窝心，会为有选择困难症既食客做个决定😂蕃茄海鲜意粉 🍅蕃茄味略微淡左少少，虾肉质正常，意粉口感淋左少少。钟意食淡口少少既人应该ok带子黑松露野菌烩饭 🍄黑松露味几香，好香菌味，饭质弹牙，带子几新鲜，面略微煎过几香口，唔错唔错👍🏾几creamy 烟肉卡邦尼长通粉 🥓个汁几浓淡控制得不错，好creamy 但又唔系好漏，芝士味不会太浓。辣韩式炸鸡长通粉 🐓个味好好食，唔会太辣，有少少泡菜味，鸡肉外脆内软，肉质几滑。长通粉好弹牙，大家都抢食😆饮品方面，水蜜桃🍑红茶（热）闻落几香，味道唔会太甜，几好。