韓國錦城飯店 (已結業)

成班好耐无见既朋友，难得终于一齐有时间，当然要揾个地方一边食一边倾计啦！而点解选择呢间餐厅，因为其中一位试过话唔错，终是就决定一试啦！我地5个人去食，餐厅都安排左一间房比我地。我地点完餐一阵，侍应就送左几碟小食黎，应该系免费既。小食都唔错，虽然未必所有都会啱胃口，但感觉上都几有韩国传统特色，因为平时食韩国野最多都系送泡菜，唔会有咁多款式。今次叫左五花腩，侍应送上黎个阵系完整未切既，佢再系我地面前切开一块块放入个炉入面。本身个侍应走左，不过佢过左阵见到我地好似唔识整，佢就主动过黎帮我地整，再剪开得更细件方便我地放入口食，之后D肉熟晒再帮手放系只碟上面比我地慢慢食。件五花腩肥瘦都算适中，点既酱油都唔会太咸，都几好食。我地仲叫左几款𩠌同埋一个细既部队锅，个锅既配料都好多，5个人分唔会话好饱，食埋其他𩠌就好饱啦！个锅入面有D好细条肠仔，好似厨师肠既迷你版但味道好唔同，都几特别。整体上，虽然人多但环境够静，食物味道都唔错，侍应既服务真系好好，非常照顾食客。