全聚德烤鴨店 (已結業)

一班朋友相约食饭，订咗呢度！因为已经食厌广东式套餐！转下口味！今次食片皮鸭！去到比咗一张靠墙大枱！都系中式酒楼格局！略为残旧！部长问咗我们人齐就开始上菜！冷盘拼盘--海蜇、叉烧、五香牛𦟌，几样都几好食！片皮鸭--由师傅片皮！拼成一朵花！用蒸笼蒸好面皮！包住鸭肉、大蒜、青瓜同甜酱一齐食！鸭肉唔干，配埋其他配料食！good!宫保虾球--炸虾球配宫保汁！辣辣地！肥髀都食到！炸浆唔厚！外脆内软！good!炸虾球--呢个无个辣汁！相比之下失色少少！松子鱼--酸酸甜甜配炸鱼肉！鱼肉炸得唔老！又无散！good!砂锅云吞鸡--云吞鲜味皮薄！鸡汤浓厚！唔会过咸！另外将鸡肉拆肉上碟！肥髀一个食咗半碟！正！上汤津白--自己本身唔钟意食对津白！食咗两条都ok!鸡丝米线--好淡，无乜味！米线好碎！鸡肉嚡！唔好食！素菜包--馅料系菇同菜丝，唔多但好咸！唔好味！红豆椰汁榚--冻食！椰汁榚无乜椰子味！红豆面又无乜味！普通！服务唔错！侍应勤快！换碟加水都有礼！部长仲送多碟红豆椰汁榚比我们！成餐饭食得尽兴！