家家戶戶

营业中

休息中

难得的朋友聚会，经过一连串苦恼后，最后决定去“韩国街”揾食。街头就见到尼间装修朴实嘅小店。好耐好耐之前都有听过朋友话尼间唔错。不过经过时间的洗礼，好难担保🤔。经过一番“巡视”后，选择咗尼间评论为有家的感觉嘅食店。因为有朋友迟啲先到，所以我哋都只系点咗三款食住先。泡菜饼嘅味道略淡，无咩泡菜味。可能正因为咁，所以有附酱汁。虽然睇落以为好辣，实际反而有点偏甜。不过搭配咸酸嘅泡菜饼啱啱好炒年糕反而有点失望，味道略淡，年糕亦唔够软。突然令人挂念韩国小食店鲜红嘅辣炒年糕。另外仲点咗牛肋骨，由于大家都已经挂住食，所以无人影相😅。主食有分set 或者 A La carte, 分别在于set有埋前菜＆汤。牛肋骨份量算足够，如果一个人食可能未必食得晒。味道比较之前两道菜，尼个算唔错，咸淡适中。不过肉质就有点过熟，有点会觉得少少硬。后来到嘅朋友点了杂菜炒饭，但似乎唔太令佢满意。食咗几啖，就要不停饮水。佢话好似厨师倒泻盐咁最后见佢净返大半碟🤦🏻‍♀️唔太理解网上评论所指“家的感觉”系指环境定食物味道。个人觉得尼度环境的确唔错，三五知己来食饭倾计，感觉几温馨。食物方面，可能因为期望太高，所以稍嫌不足。