龍悅 (已結業)

今日公司收早，约咗朋友食饭，朋友提议去呢间龙悦食，一入去见到得几枱有人，心谂会唔会有伏🤭坐低感觉唔错，枱与枱之间嘅距离好够，坐得几舒服，叫𩠌时侍应推介呢款香辣猪手，原来而家做紧promt，送一支大樽装蓝妹，我哋都食得辣，所以叫咗碟嚟试吓，食落竟然有惊喜，上枱见到份量好大碟，猪手软冧适中，好够味。另外两碟都唔错，带子虾球，食得出啲虾同带子系新鲜嘅，咬落爽脆鲜甜，切鸡拼烧腩仔，鸡正常水准，不过不失，反而个烧腩仔就正，皮脆肉嫩，三条友一阵就扫清😂埋单茶芥加一另外叫咗两碟白饭$465，真心觉得唔错，下次会再嚟帮衬。