點鍋

营业中

休息中

平日放工时间去食，唔算特别多人，环境几大，坐得几舒服，但可能去既时候岩岩开始第一轮，所以店员无即时比部tab我地落单，有少少扣分，但店员都有帮我地加返时，所以影响不大。食物方面，丸类，炸鱼皮同响铃都好好食，非常高质，但牛肉方面就真系强差人意，可能店舖定位主打手工丸或响铃等炸物，就忽略咗牛肉既品质，所以都稍为扣咗少少分。整体而言，都几享受今次既朋友聚餐，但因为朋友系牛魔王既关系，会回头食多次既机会应该不大，希望餐厅会有改善。