Chaplin

营业中

休息中

之前食过几次lunch，都唔错。隔咗个零两个月再嚟，转咗餐牌，冇咗特价set lunch，以前星期五烧春鸡set 88，而家就盛惠180，贵咗一个dub，不过水准更加高，都食得开心嘅。同埋之前啲特价餐真系好平，今时今日都几难维皮。最值得赞嘅系佢哋嘅服务，啲职员真系好有礼貌同埋贴心，成日都有笑容，呢间系少数我觉得抵俾加一嘅餐厅，如果真系要鸡蛋里挑骨头，就系老板个样有啲愁😅讲返啲食物，特价烧春鸡都好好食，绝对唔马虎，但只鸡细啲，就咁配薯条。正价烧春鸡有烤黄色翠肉瓜同埋薯角，沙律分量都大啲。啲鸡就咁点面头嘅烤柠檬同埋烤蒜已经够味，好嫩滑。