Nutmad (已搬遷) 新店位置

早前打左电话黎订位星期六食午餐，已经表明只能安排窗口位俾我地。去到发现坐窗口位仲好，有chill既感觉。餐牌唔多选择，我一早已经睇中左焦糖香蕉．雪糕．法式多士，另外再叫个野菌·忌廉·饮管意大利面同慢煮伊比利亚黑毛猪．西柚，饮品就要啡常朱古力咖啡。野菌·忌廉·饮管意大利面上碟出晒烟，十分creamy，野菌份量绝不吝啬。饮管意大利面第一次食，口感比较烟韧，好食。慢煮伊比利亚黑毛猪．西柚果然系慢煮，肉质软腍，唔系好实既猪肉，另外有薯仔同芦笋伴碟。焦糖香蕉．雪糕．法式多士卖相摆盘好靓，比我想像中大碟好多，一定够饱。法式多士外脆内软，沾满蛋液，充满蛋香味。啡常朱古力咖啡有朱古力雪糕、牛奶、朱古力酱，另外有特浓咖啡俾你自己落，仲有块黑朱古添，丰富又好饮。