美心西餅 (康威大廈)

营业中

休息中

今年肥髀生日正日在学校毕业营，所以早少少同佢预祝，佢一向喜欢鲜果蛋榚，因为无预订，去到西饼店见呢个细细个，卖相又几靓，所以入去买，呢间美心西饼都几大间，入内店员有笑容咁招呼，我讲咗要嘅蛋糕款式，佢叫我排队比钱，佢就叫另一店员在雪柜攞比我！点知我第一次拣嘅芒果味蛋糕已卖晒，就转咗另一款鲜果蛋糕！排队比钱收银店员问咗我有指定信用卡💳就帮我打折扣！可惜呢间店而家无数字腊烛卖（我唔知佢系无货，定系而家呢间西饼店已经无再卖）所以我要去另一间西饼店，先买到数字腊烛。店员收钱就将个已入盒嘅蛋糕比我！清新鲜果杏仁脆蛋糕🍰（$214.2）指定信用卡打咗九折，卖相色彩缤纷好靓，蛋糕松软，忌廉软滑，不过唔觉有脆脆层（唔知系放得耐唔脆）果冻 啫喱唔会太硬，水果爽脆清甜！整体唔太甜好味接触几个店员都有笑容，有礼貌服务几好！肥髀生日快乐🎂🎈🎊🎉