High Bar by Mak's Beer

营业中

休息中

一家人去食嘢，星期日午餐，其实都冇咩人，餐牌就系网上𠮶啲，选择唔多，都系沙律，意大利饭，牛扒𠮶啲，冇咩惊喜。本身环境都几靓，有户外位可以影相。好可惜的服务差到不得了。啲人啲态度好差，亦都系全部好似生手咁，一啲都唔识做嘢。我哋冇为意餐饮系写住斋啡，于是上啡嘅时候问佢攞奶，佢话要煲热等都唔紧要，不过等到杯咖啡都冻咗啦都仲未嚟。另外再上嘅咖啡再问佢拎，跟住个女侍应竟然喺度反白眼我哋。领班𠮶个走来解释话餐牌系写咗longblack，咁你当我睇唔到，又第一次嚟，你问吓人哋要唔要奶，呢啲都系好正常卦？最后其中一杯茶包茶，到我哋埋单杯嘢饮都仲未出嚟。我真系想问吓又唔系多客，咁嘅服务态度真系唔OK啰。香港嘅服务业真系没落㗎啦。