影片
更多
2023-12-30
1615 浏览
屋企人饮过几次茶，话啲嘢好食，所以book咗dinner食半围菜试下佢个贺冬宴。一叫起菜，佢真系八道菜一齐嚟，张六人枱摆到满哂，同时间竞赛，睇住啲𩠌冻。有两个女侍应真系成餐饭嘅焦点，简直系人中之凤s。合埋眼落碟菜，一嘢打泻碟酱油当冇事发生。跟住另一边夹硬落碟冬菇鸭掌，只碟好大，扫冧咗我罐未斟哂嘅啤酒，张枱湿哂，我条裤又滴到，sorry都冇句就走咗去。其实隔离有张枱仔放茶壶餐牌，你放碟𩠌上去一阵，执空个位先上枱唔嘥你好多时间。问佢㑩只匙羹，我睇住佢一路行过嚟一路用只手指公系咁捽只羹，心谂傻的吗。食咁多道菜，碗碟一定又有汁又有骨，冇人谂过要帮我哋换下，要自己开声。个女侍应好嘢，捧住六只干净碟，好唔愿意咁行咗两转帮咗五个人换碟，第六个人因为坐得离佢最远所以冇帮手换，然后佢㑩住第六只干净碟行返pantry。我要再开声佢先肯返转头换埋第六只，佢前后行咗三转。我已经放弃再等佢㑩碗畀我，自己喺隔离枱拎算。埋单𠮶阵，㑩咗个盒打包只系食咗少少嘅糯米饭。见装唔哂，所以问㑩多个盒，分两盒装。人中之凤搭爹同我讲“一个盒都装得哂啦”。Sorry啰，要麻烦你，但重点系第一个盒唔系人中之凤㑩畀我嫁wor，跟住佢去㑩
一叫起菜，佢真系八道菜一齐嚟，张六人枱摆到满哂，同时间竞赛，睇住啲𩠌冻。
有两个女侍应真系成餐饭嘅焦点，简直系人中之凤s。
合埋眼落碟菜，一嘢打泻碟酱油当冇事发生。跟住另一边夹硬落碟冬菇鸭掌，只碟好大，扫冧咗我罐未斟哂嘅啤酒，张枱湿哂，我条裤又滴到，sorry都冇句就走咗去。其实隔离有张枱仔放茶壶餐牌，你放碟𩠌上去一阵，执空个位先上枱唔嘥你好多时间。
问佢㑩只匙羹，我睇住佢一路行过嚟一路用只手指公系咁捽只羹，心谂傻的吗。
食咁多道菜，碗碟一定又有汁又有骨，冇人谂过要帮我哋换下，要自己开声。个女侍应好嘢，捧住六只干净碟，好唔愿意咁行咗两转帮咗五个人换碟，第六个人因为坐得离佢最远所以冇帮手换，然后佢㑩住第六只干净碟行返pantry。我要再开声佢先肯返转头换埋第六只，佢前后行咗三转。我已经放弃再等佢㑩碗畀我，自己喺隔离枱拎算。
埋单𠮶阵，㑩咗个盒打包只系食咗少少嘅糯米饭。见装唔哂，所以问㑩多个盒，分两盒装。人中之凤搭爹同我讲“一个盒都装得哂啦”。Sorry啰，要麻烦你，但重点系第一个盒唔系人中之凤㑩畀我嫁wor，跟住佢去㑩第二个盒返嚟，“喂"咗我一声，然后队落我手臂度。
𠮶晚系星期四，全场得三四成入坐，侍应系行行企企好眼训，叉腰等收工。你收我四、五旧水一个人头，冇谂到服务可以咁出众。第一次帮衬，应该都系最后一次。
味道嚟讲只属正常，用料唔算靓但又未驶投诉𠮶只，冇话有一道菜系“哗，好食”咁啰。炒糯米饭就真系“哗，唔好食”，淋同湿，好似唔够糯米沟咗啲白米咁嘅效果。半围菜包六罐啤酒汽水，冇谂到啤酒会畀森堡呢啲货色……
张贴