蓮苑 (已結業)

好早前已经见到这店门口放满小丸子，因为我本身好钟意去啲主题餐厅食，今日经开所以决定在这间食，地方唔大，但无咩人食，不用等位就有得坐，店内有两张梳化位无人坐，但店员却安排我哋坐中间路口位，我问可否坐梳化位，佢个样好似唔想你坐梳化位咁，但最后我们都坐了，因为真系无人坐，店员放了张点餐纸及一块花轮同学及一块小丸子的纸牌放在枱上，睇张点餐纸，见唔到有小丸子系列的食物，心谂咁奇怪，于是问下职员，个职员话咪依度，原来果两张花轮同学及小丸子纸牌就系餐牌，我仲以为系俾客人影相用而已，最后叫了烧汁茄子牛柳粒$98、瑶柱桂花炒蟹肉$128、野菌浸时菜$78其中两个𩠌各加$10 转套餐有白饭及餐饮，另外再各加$48加个炖汤，甜品叫了小丸子又有心事（心太软）$88，不过叫时个职员话一个？唛有规定要叫几多个甜品㗎咩？真奇怪。。瑶柱桂花炒蟹肉超少蟹肉，揾咗好耐先见到。。收成$128好唔抵食，埋单时因为我部份用商场的k dollar俾钱，个职员扣咗我k dollars之后，叫我自己计要俾几多余额。。我话我自己计呀？佢先心算话，应该系咁多钱🙄，服务真系唔多好，价钱又唔系平，唔会再帮衬.