薩莉亞意式餐廳 (莊士倫敦廣場)

营业中

休息中

个人习惯，年尾总要行维园，唔知点解，圣诞总要行尖东!今年圣诞，想食完饭先行吓尖沙咀，走去食大排档食谭仔又好似唔夹圣诞，虽然食唔到圣诞大餐，食个西餐先夹圣诞吧，于是想起萨莉亚!想食萨莉亚最主要原因系...... 整亲只猪手敷紧中药! 牛唔食得海鲜唔食得炸嘢唔食得辣唔食得酒唔饮得囡唔沟得，唯有去萨莉亚，因为佢嘅 Menu 大部份都食得.一去到门口，已经排满人，正常的话我已经转身走，但我相信叫我留底嘅第六感，结果唔洗十分钟已经可以埋位.大时大节全院满座，好正常出餐又慢又乱吧，都打定心理准备.点咗周打海鲜汤，粟米汤，风干火腿，蒜香法包，野菌忌廉粗管面，原味鸡翼，烧羊架，薯仔烟肉 pizza，芝士薯蓉.日本餐厅服务果然高质，以为有排等，以为会乱单乱上餐，结果所有菜式十分钟内上哂枱，一单都无交错，先俾个大 like 先.人多质素好大机会会下降啦，又无发生㖞! 味道同以前食开嘅质感同味道不变! 只系芝士薯蓉焗耐咗D，面层㶶咗少少但可以接受.烧羊架味道一向偏淡，以前就话落芝士粉补救，但依家已经唔系免费提供，于是落咗包冲咖啡嘅糖浆，即刻淡口变惹味，易入口得多.萨莉亚嘅风干火腿第一次食，咸香味足，放上蒜香