超級自助壽司店

营业中

休息中

话说夜晚放工肚饿，平时经过此处知道开得比较夜，专登兜过黎食野，入去话两人，一个肥阿姐安排我地坐低，我屁股都未贴到张櫈，另一个瘦阿姐以九秒九的速度飞埋黎话，尼张四人台黎架，去后面果张二人台啦。我明白香港餐厅细座位要善用，但使唔使去到咁极致？已经夜晚十一点几，得三两台客，惊爆场咩？再者，其它台都系坐四人台，连一个人都坐四人台，真系唔系好明点解要咁做，要安排我地去同人地搭台。最奇怪系跟住入黎的两个客又安排坐那张四人台，感觉好受歧视。不过OK，FINE，香港人能屈能伸，我地坐低另一张台，叫左三文鱼寿司，元贝寿司，玻璃虾寿司，立鱼寿司，三文鱼刺身，三文鱼手卷，跳舞虾刺身。要称赞这店的师傅刀工的确一流，可以将三文鱼起到纸咁薄做三文鱼寿司，元贝好似橡胶咁硬，食左eng胃，三文鱼，玻璃虾和立鱼淡而无味。得跳舞虾稍微正常，不是好，而是正常。极速食完餐宵夜，几个阿姐阿伯系隔离围住你张台，但又唔系做野，水又唔斟，总之感觉极差。有种强烈感觉他们只顾揾钱，完全唔理顾客感受，莫讲话提供什么服务。总之祝老板好运啦。不会有下次。