影片
更多
2015-09-25
2197 浏览
1. 等候时间太长话就话每张枱限时2个钟，根本得个讲字。完全冇确切执行，令等候时间延长。连reception都讲有啲人坐左3个钟都唔肯走。最后差唔多等左成2粒几钟！2. 服务态度恶劣我同班朋友已经饿到一个点，执紧枱个阵佢地完全sense唔到我到火到黎埋，佢同我讲「呢张你㗎啦，等多阵执埋就入得」。最惨仲要我自己问佢可唔可以order住个鸡煲先。有冇搞错呀！另外，本身谂住订位嘅，我朋友打完黎，佢地话要10个先可以订，点知到寻日，俾我发现惊天大秘密。有个订左10位嘅黎得个8位，啲职员问完一轮，最后又系俾返张枱佢地食，咁我下次都咁做就得啦，等都唔洗，一黎就有。不过应该冇下次！最惨系我地8个人都系俾张细枱我地，人地8个有张10人枱，舒舒服服。好啦，几经辛苦终于入到佢啦。得6个位，咁我6个朋友就坐啦，而我就同另一个朋友企系到啦，谂住等佢拎张櫈黎。点知等左几分钟都冇人理，好啦到有人理啦……俾个侍应吹到啤一声「先生，企系到有咩帮到你」。哗，多谢哂，thank you for your question㖞。咁我咪回番佢「你估我想企系到呀！都唔够位坐！」一秒就KO佢啦。最后咪死死地气推两张櫈埋黎。啲侍应唔
话就话每张枱限时2个钟，根本得个讲字。完全冇确切执行，令等候时间延长。连reception都讲有啲人坐左3个钟都唔肯走。最后差唔多等左成2粒几钟！
2. 服务态度恶劣
我同班朋友已经饿到一个点，执紧枱个阵佢地完全sense唔到我到火到黎埋，佢同我讲「呢张你㗎啦，等多阵执埋就入得」。最惨仲要我自己问佢可唔可以order住个鸡煲先。有冇搞错呀！
另外，本身谂住订位嘅，我朋友打完黎，佢地话要10个先可以订，点知到寻日，俾我发现惊天大秘密。有个订左10位嘅黎得个8位，啲职员问完一轮，最后又系俾返张枱佢地食，咁我下次都咁做就得啦，等都唔洗，一黎就有。不过应该冇下次！最惨系我地8个人都系俾张细枱我地，人地8个有张10人枱，舒舒服服。
好啦，几经辛苦终于入到佢啦。得6个位，咁我6个朋友就坐啦，而我就同另一个朋友企系到啦，谂住等佢拎张櫈黎。点知等左几分钟都冇人理，好啦到有人理啦……俾个侍应吹到啤一声「先生，企系到有咩帮到你」。哗，多谢哂，thank you for your question㖞。咁我咪回番佢「你估我想企系到呀！都唔够位坐！」一秒就KO佢啦。最后咪死死地气推两张櫈埋黎。
啲侍应唔会自动波serve你，系要你自己落手落脚做。啲嘢食完，只碟空哂都唔肯收。叫壸嘢饮，黎到连杯都唔问要几只，又系我自己出去攞。好啦，当我咁啱企起身拎碟嘢推哂落个煲之后，咁啱终于有人自动自觉黎收嘢，点知佢竟然佢谂住系我朋友头顶到收，吓到我即刻成碟兜番去佢后面先俾个侍应。搞到我成餐自己收嘢去架车仔到。仲有摆低壸嘢饮嘢食，一句声都唔出就摆落黎，好彩我坐定定系到，如果我唔知撞到啲嘢，真系唔该哂啦喂！
剩系上面个两点，我已经blacklist左呢间嘢，以后都唔会黎食嘢。
3. 食物质素
--->可以接受
鸡煲叫左一煲小辣、一煲唔辣。煲小辣OK嘅，食落麻麻辣辣，唔差嘅。但煲唔辣得个咸字，唔掂......
卖相，OK啦叫可以接受
其他火锅料，OK啦叫可以接受
嘢饮，份量够大，OK啦叫可以接受
不过，我极之反对大家黎呢间「具质素」嘅食店，除非大家想体验一下，或者贴钱买难受。
负皮是给这餐厅的唯一选择，多谢大家！
张贴