影片
更多
2018-11-14
346 浏览
接上文, 由于系同日既下午2:56 系金鱼街果间分店食唔到想食既沙茶牛肉公仔面 , 所以, 经confirmed MOKO 依间有就上咗黎依间食. 但真系失望, 未食已经觉得作为一间食店黎讲, 好唔掂!!! 希望有关管理层睇到并重新制定管理方针!去到MOKO要花啲时间先揾到, 去到等位, 系我前面有4个人排队, 而跟我后边既系一个人. 咁啱有张二人枱走, 阿姐系店内向外大声叫喊: 有无一位?! 哈, 好正, 阿姐睇唔到我啰, 比我后面个人入先, 我跟住入去, 就安排返个位比我. 当我准备叫嘢食时, 一位短头发阿姐叫我等阵......等佢开机落ORDER (点解我要提? 因为佢既语气唔好仲有啲寸). 我ORDER完后, 我对面位既客落都ORDER啦, 阿姐又系用佢啲寸寸贡既语气'教'个客ORDER, 教佢要叫野食先再叫野饮, 又唔好散叫要叫餐, 会平啲. 过咗一阵, 隔离枱想要ORDER, 阿姐就话佢个手帐无电, 叫个客自己用个TABLET ORDER!讲返啲食物, 我叫咗个沙茶牛肉公仔面常餐, 个面OK, 但两条香肠好咸...... 我见都好多人叫蛋挞食, 都谂住试下, 点知,
但真系失望, 未食已经觉得作为一间食店黎讲, 好唔掂!!! 希望有关管理层睇到并重新制定管理方针!
去到MOKO要花啲时间先揾到, 去到等位, 系我前面有4个人排队, 而跟我后边既系一个人. 咁啱有张二人枱走, 阿姐系店内向外大声叫喊: 有无一位?! 哈, 好正, 阿姐睇唔到我啰, 比我后面个人入先, 我跟住入去, 就安排返个位比我.
当我准备叫嘢食时, 一位短头发阿姐叫我等阵......等佢开机落ORDER (点解我要提? 因为佢既语气唔好仲有啲寸). 我ORDER完后, 我对面位既客落都ORDER啦, 阿姐又系用佢啲寸寸贡既语气'教'个客ORDER, 教佢要叫野食先再叫野饮, 又唔好散叫要叫餐, 会平啲. 过咗一阵, 隔离枱想要ORDER, 阿姐就话佢个手帐无电, 叫个客自己用个TABLET ORDER!
讲返啲食物, 我叫咗个沙茶牛肉公仔面常餐, 个面OK, 但两条香肠好咸...... 我见都好多人叫蛋挞食, 都谂住试下, 点知, 当我叫著长头发阿姐想佢帮我落ORDER时, 阿姐话'无㖞, 啱啱果转无晒.' 跟住转身走............... 我揾返佢再问几时会有, 阿姐话'要等3-4个字, 但可能都无, 因为出边仲有外卖既等紧', 听完佢咁讲, 我真系好唔开心亦都无ORDER. 之后, 另一枱卡位有两个人见到阿姐送上蛋挞比坐对面既客即时话'我哋黎先叫先, 点解佢哋有蛋挞先'! 阿姐答话唔一定入坐先叫先就会有先!!! 真系精彩, 我都系第一次见有啲服务态度可以差到咁......
我比钱时问收银姐姐, 佢话蛋挞3-4个字先有新出炉, 一炉25-30个. 真心, 如果咁卖蛋挞不如唔好卖或者拎筹等啲客知到有定无, 要等几耐同等几多个先有.
我谂有得拣我都唔会再拣去文华食.
沙茶牛肉公仔面常餐
$55
41 浏览
0 赞好
0 留言
张贴
