上手日本料理 (已結業)

难得放工同爸爸食饭，就同佢去试ｄ佢未食过既食肆。走去西九龙中心，发觉有间叫上手既日本料理。其实好耐之前去过一次，不过真系太耐，完全冇印象佢究竟系好定唔好，但见佢价钱平平地咁，不妨入去睇睇佢得唔得。可能时间尚早，都有不少空位。都费事谂食ｄ咩，就叫个二人餐share食。有什锦刺身、沙律、蟹柳乌冬、日式叉烧汤面和饮品。什锦刺身不过不失，沙律就酸殁甜甜几好味，可是个乌冬同埋汤面就扣晒分，尤其是个汤面。笋系酸，叉烧又"韧"，面底亦怪怪地，总之就唔掂。服务就唔错，好有礼貌，收碟亦快手，而且冇收加一，更唔使贴士，几欣赏。另外仲有张coupon，虽然野食唔太好食，不过如果有coupon又经开附近，都可以再试。