影片
更多
2018-01-01
2201 浏览
第一次写食评，不过唔系因为佢好好味，系因为服务真系差到无朋友。先讲下佢个格局，佢系Ｌ型咁，收银果就喺最前，可以睇到最前面大约三分一场，但就望唔到最尾三分一至二分一既位置。咁等位果时，都系收银附近，见到果三分一场啲楼面都好忙咁，咁我同老婆就大约等咗二个半钟入坐，就坐最入果个AREA。一坐底，见到台都未抹干净，而台底下面系一大摊水，虽然俾果滩水跣到，但唔紧要，打边炉唔会预系干净，但系最大问题系果度系无人理，真系一个人无，写好晒纸想揾人落单兼叫汤底，但就举咗几分钟手都无人理，跟住就去中间左右既位置度找𠮶三分二场入面唯一一个楼面姐姐，佢就唔耐烦咁问要乜，我老婆就话想落单同叫汤底，佢就好难为咁话：「我唔系跟果度(后面3分1场)㖞，不过唔紧要啦，照帮住你啦~」(客又点会知你边个负责边度)，我老婆就话返，后面一个人都无，佢就话「佢哋放紧饭，后得一人咋」，同一时间，有个抬住嘢后生仔楼面喺我老婆后面无礼貌咁大喝「睇后！」(本身已经企开咗同个姐姐讲嘢)，本能转身一望，佢个款就黑位个面兼用盘嘢凶我老婆，无礼貌之余，仲要烚女人。搞到咁气顶，继续坐底食都只会食得无瘾，结果决定即走，走果下我哋都有同收银讲声唔食，
先讲下佢个格局，佢系Ｌ型咁，收银果就喺最前，可以睇到最前面大约三分一场，但就望唔到最尾三分一至二分一既位置。咁等位果时，都系收银附近，见到果三分一场啲楼面都好忙咁，咁我同老婆就大约等咗二个半钟入坐，就坐最入果个AREA。
一坐底，见到台都未抹干净，而台底下面系一大摊水，虽然俾果滩水跣到，但唔紧要，打边炉唔会预系干净，但系最大问题系果度系无人理，真系一个人无，写好晒纸想揾人落单兼叫汤底，但就举咗几分钟手都无人理，跟住就去中间左右既位置度找𠮶三分二场入面唯一一个楼面姐姐，佢就唔耐烦咁问要乜，我老婆就话想落单同叫汤底，佢就好难为咁话：「我唔系跟果度(后面3分1场)㖞，不过唔紧要啦，照帮住你啦~」(客又点会知你边个负责边度)，我老婆就话返，后面一个人都无，佢就话「佢哋放紧饭，后得一人咋」，同一时间，有个抬住嘢后生仔楼面喺我老婆后面无礼貌咁大喝「睇后！」(本身已经企开咗同个姐姐讲嘢)，本能转身一望，佢个款就黑位个面兼用盘嘢凶我老婆，无礼貌之余，仲要烚女人。搞到咁气顶，继续坐底食都只会食得无瘾，结果决定即走，走果下我哋都有同收银讲声唔食，但佢就望都无望就一手收返张单。
整体来讲，全程都有种要受人气既感觉，由等位到走人，所有过程都无一刻觉得我地系有被尊重过，可能真系太多客，佢哋唔休做，佢几衰都会有人中入去。无礼貌都算，毕竟预咗佢地唔会有，不过放饭放到一个人都无，仲要Ｄ人唔愿补位，Ｄ管理真系有啲得意。另外，见到前面三分一场果Ｄ人手数量，比例上同喺后半场既就完全唔一样，令人好怀疑班人系集中收银望到Ｄ位附近扮勤力。点都好，呢间嘢唔会再有下次。
题外话/补充资料：
味道＆抵食，因为未食就唔知味道，不过睇目测返Ｄ料，同埋可以拣既食物种类，就俾３粒星。
(以上食记乃用户个人意见 , 并不代表OpenRice之观点。)
张贴