炊燒

营业中

休息中

嘢食质素系唔错😋当日我哋6:30pm入座嗌咗嘢食都需要15分钟左右先有嘢上枱，但系店员全程黑口黑面好似仇人咁样！最后食晒全部主菜主食，店员执好晒张枱甜品都未嚟，最终等到约45分钟(7:35pm)甜品先嚟！等甜品嘅期间店员系不断喺度执隔离枱拎走隔板清理垃圾收埋张凳，当时系6:50pm佢已经系咁掘住我哋想赶客！同埋店员不断踢到我哋张凳，已经贴到好埋尽量留返一段空位出嚟俾店员行依然系踢到，店员系当冇事发生过，冇道歉或讲唔好意思6:55我哋询问佢仲要几耐嘅时候，佢直接讲要等好耐不如你哋直接走取消甜品！另外埋单嘅时候见到厨房卫生程度相当恶劣，见到啲肉类摆喺地下，地下都相当污糟！🤢呢种服务态度同卫生真系唔使再嚟多次！😤