影片
更多
2023-07-26
445 浏览
平日中午带埋家人一行6人谂住去西九饮个茶顺便行下一入去计埋我地只有两枱客 因为老人家饮惯浓茶就请问待应可否加多一个茶包由呢刻侍应已经开始俾面色我地睇 唔紧要当我地多要求啦 由得佢~食物点评：叉烧包卖相呢啲见人见至 唔作评论味道同口感同其他open rice食评差太远整个包同外皮偏淋 要脆既唔脆 要松软既唔松软 而且太甜和牛挞同叉烧包味道一样过份甜 如果唔写系牛肉应该会以为又系叉烧挞😂红米肠一嚟见到外皮呢个样都知又伏左太湿太淋 食落系会挞住喉咙既程度内馅正常够脆味道可以 如果冇个块外皮可以一试另外叫左鲍鱼烧卖，虾饺同小萝卜同两个饭面味道同一般酒楼一样 可接受但侍应态度太差 每次点心到左都系徐手放低系枱边直接走 仲要家人自行搬返碟食物去枱中间😂结果嚟左个不知明点心一问之下先发现原来系佢地落错单我只系问一句：咦我系叫小萝葡唔系小笼包㖞但待应毫无歉意 仲要一句挞埋嚟：得唔紧要 你唔要咪帮你取消啰自问一直都唔该前唔该后对待侍应如果有轻轻讲一讲系咩点心 都唔至于体验会咁差（当然嚟错左既黑松露小笼包味道都系非常一般🫣 就系出面街坊酒楼个样冇汁厚皮干身小笼包但有啲黑松露系上面）唔系要求有米芝连质素
一入去计埋我地只有两枱客
因为老人家饮惯浓茶就请问待应可否加多一个茶包
由呢刻侍应已经开始俾面色我地睇
唔紧要当我地多要求啦 由得佢~
食物点评：
叉烧包
卖相呢啲见人见至 唔作评论
味道同口感同其他open rice食评差太远
整个包同外皮偏淋 要脆既唔脆 要松软既唔松软
而且太甜
和牛挞
同叉烧包味道一样过份甜 如果唔写系牛肉应该会以为又系叉烧挞😂
红米肠
一嚟见到外皮呢个样都知又伏左
太湿太淋 食落系会挞住喉咙既程度
内馅正常够脆味道可以 如果冇个块外皮可以一试
另外叫左鲍鱼烧卖，虾饺同小萝卜同两个饭面
味道同一般酒楼一样 可接受
但侍应态度太差 每次点心到左都系徐手放低系枱边直接走
仲要家人自行搬返碟食物去枱中间😂
结果嚟左个不知明点心
一问之下先发现原来系佢地落错单
我只系问一句：咦我系叫小萝葡唔系小笼包㖞
但待应毫无歉意 仲要一句挞埋嚟：得唔紧要 你唔要咪帮你取消啰
自问一直都唔该前唔该后对待侍应
如果有轻轻讲一讲系咩点心 都唔至于体验会咁差
（当然嚟错左既黑松露小笼包味道都系非常一般🫣 就系出面街坊酒楼个样冇汁厚皮干身小笼包但有啲黑松露系上面）
唔系要求有米芝连质素 但平时同家人无论去街坊酒楼定酒店中菜馆都未受过有如此对待
仲要4/5个人先serve两枱客 都可以咁既服务
始终你都卖紧成嚿水一笼点心 都唔系茶餐厅价钱
要求有正常的服务态度都好合理挂？
第一次食到成肚气忍唔住要写个食评
总体嚟讲呢间店真系完全不值一去
如果服务唔得 有食物质素弥补都可以接受
可惜呢间店两样都冇🫠
西九不乏餐厅选择 真系冇谓去贴钱买难受
就算假日全部食肆full哂我宁愿去野餐都唔会再踏足呢间野一步😂
和牛挞
4 浏览
0 赞好
0 留言
红米肠
4 浏览
0 赞好
0 留言
鲍鱼烧卖
4 浏览
0 赞好
0 留言
虾饺
10 浏览
0 赞好
0 留言
小萝卜
3 浏览
0 赞好
0 留言
叉烧包
1 浏览
0 赞好
0 留言
张贴
