影片
更多
2024-01-20
682 浏览
一直都欣赏呢间舖头嘅嘢食，几年间除左自己成日食都有推荐其他人。今日如常都系想系旺角饮茶就自然拣左呢间。嚟到嘅时候冇人排队，但都full晒了，我哋等紧第一张枱。我哋2个人，一位朋友未到，我哋叫左3个人嘅位。系等待嘅期间，嚟左2张等2人枱嘅客人，而系呢2对2人枱客人刚入店嘅时候，一位女店员就咁啱出嚟嗌我哋嘅号码，问：你哋4位嚟齐未？我哋回答：我哋3位，不过仲有一个朋友未到。女店员回答：下，即系你哋3位？咁嚟齐未？我哋回答：我哋仲有一位朋友未到。女店员再回答：讲明先，我哋限食60分钟，你哋o唔ok？我哋一个回答：咁我哋打个电话问朋友到未可以嘛？，另一个已经打紧电话问朋友。女店员 表示ok嘅同时，佢已经叫左2张2人枱嘅客人入店。因为朋友已经即将到达，我哋亦觉得先入座叫嘢食，开始计60分钟都可以，就即刻同女店员表达我哋ok了，可以入座。女店员就叫我哋等多阵先，估计系佢头先已经放左2张2人枱入座，所以我哋要再等下一张枱。我哋继续等待，然后再有一张5人枱客人进店想取票入座。然后店内有一张4人座位嘅枱空左，所以无论系我哋，定系包一位小朋友在内嘅5人枱客人都适合坐𠮶个空位。与此同时，老板系店内向女店员问
一直都欣赏呢间舖头嘅嘢食，几年间除左自己成日食都有推荐其他人。
今日如常都系想系旺角饮茶就自然拣左呢间。嚟到嘅时候冇人排队，但都full晒了，我哋等紧第一张枱。我哋2个人，一位朋友未到，我哋叫左3个人嘅位。
系等待嘅期间，嚟左2张等2人枱嘅客人，而系呢2对2人枱客人刚入店嘅时候，一位女店员就咁啱出嚟嗌我哋嘅号码，问：你哋4位嚟齐未？
我哋回答：我哋3位，不过仲有一个朋友未到。
女店员回答：下，即系你哋3位？咁嚟齐未？
我哋回答：我哋仲有一位朋友未到。
女店员再回答：讲明先，我哋限食60分钟，你哋o唔ok？
我哋一个回答：咁我哋打个电话问朋友到未可以嘛？，另一个已经打紧电话问朋友。
女店员 表示ok嘅同时，佢已经叫左2张2人枱嘅客人入店。
因为朋友已经即将到达，我哋亦觉得先入座叫嘢食，开始计60分钟都可以，就即刻同女店员表达我哋ok了，可以入座。
女店员就叫我哋等多阵先，估计系佢头先已经放左2张2人枱入座，所以我哋要再等下一张枱。
我哋继续等待，然后再有一张5人枱客人进店想取票入座。然后店内有一张4人座位嘅枱空左，所以无论系我哋，定系包一位小朋友在内嘅5人枱客人都适合坐𠮶个空位。
与此同时，老板系店内向女店员问，张4人枱齐人未，女店员回答，佢哋得3个咋，然后女店员走向门口我哋所在嘅位置，我哋再次同女店员表达：我哋可以入座啦，开始计60分钟都可以。
点知女店员系呢个时候先至回应：人齐先入得㖞。
我哋向佢表达：你头先唔系咁讲㗎㖞，你头先问开始计60分钟o唔ok，我哋头先同依家都同你表达我哋开始计时都ok。
女店员竟然回覆：我点知你哋会唔会坐左入去之后60分钟唔肯走啊，到时要赶就无谓啦。
与此同时系隔离听到嘅老板，都冇谂过要处理，然后就咁背对住我哋，向5人枱嘅客人招手，同佢哋讲，你地人齐啦嘛？人齐入得。
而女店员都无视我哋仲想同佢讨论，转头走返人店内。
成件事系感觉极差，店员老板嘅态度都极差，冇尊重过客人。无论系佢从冇讲过要人齐先可以入，到明明问左我哋开始计时o唔ok，到我哋ok先再转态度转立场话入齐先入得。都系一件极过分同浪费人时间嘅事。即使我支持左咁多年，但因为呢一日嘅对待，真系唔会再帮衬。
不过我睇佢哋呢个态度，连老板都系呢个态度，都肯定会唔care。
张贴