添好運點心專門店 (裝修中)

今日下午两点半后入座，当时有好多吉枱，我地一行三大人加一位6个月大BB，侍应语气超差话唔比放BB车，BB车要放门口，咁都算，既然要客人抱住BB用膳，又咁多吉枱，咁我想拣一张空间宽阔些都唔比，藉口话店尾位置一阵要清洁唔比新客入座（当然，我地食完埋单都唔见佢地清洁），咁唯有退而求其次啦，虽然侍应阿姐黑晒口面望住我地，我都再算数唔想影响与朋友聚餐嘅心情，但用餐中途叫侍应加水，佢回应得好晦气，收得茶钱，加水系应份啦，做侍应做到要令食客唔享受到用膳乐，呢个老板咁都接受到员工态度恶劣帮手赶客就真系连老板都有问题！到埋单时因为要泊车优惠问左一句系咪要电子消费先得，收银果位女仕语气劲差答左两次我地冇泊车，呢度冇电子付款，系咪一定要咁差对客人佢地先会开心工作？好食嘅点心仲有好多地方选择，想食得开心又享受就唔好拣呢间！雪山叉烧包唔错，但都抵不过食到一肚气，好难受！