新羅寶韓國餐廳 (已結業)

其实从来都唔打食评，但呢次真系奶野，点都要留返几只字。喺机场附近返工，lunch排左阵队好快入到去食，有lunch set menu，价钱还可以接受。叫左个七号餐，炆牛排骨跟饭，好记得系七号，因为侍应阿姐上菜，喺嘈杂嘅环境问:”边个2号？”、”边个7号？”，唔系好听得清楚佢讲乜，即时亦反应唔切，两秒思考时间都无，阿姐就开口大骂:”你地唔知自己叫乜咩？叫完又唔应，唔食呀嘛？”，然后发悔气咁放低，口嗡嗡继续闹我地，态度非常恶劣。我顶唔住颈，就话返佢:”知你好忙好多野做，但你而家咩态度呀？我地黎食野，唔系俾你闹”然后个阿姐再闹，话:”我态度系咁架喇，边个七号？”，我同另一个同事都举手，然后佢拎左去俾另一个同事先，隔左阵先拎我𠮶份黎。我心谂，系咪加我料呀？老实讲，食物唔差，系ok，之后呢个阿姐都无出现，有另一个姐姐serve我地，有一份餐迟左上，另一个姐姐都好有礼貌，话唔好意思。之后返到office，隔左大半个钟，就奶野喇，肚疴到七彩，唔排除系加左我料。