霸王川莊 (已結業)

一向食开中环𠮶间，味道好服务一流，元朗呢间之前都食过一次，食物算Okay ，服务就麻麻，大部分侍应都黑口黑面。今日下午茶经过谂住试多次，16:25分门口攞位，个男经理话16:30截单16:45要交枱，我同老公2个话无问题我地净系食碗面2，3个字都食完，经理唔知系天生黑面样定咩啦，木无表情示意我地行入去，坐低后经理拎menu 过来，比我见到佢反白眼反到上后脑，我即刻话洗唔洗反哂眼咁呀？跟住即刻离开，呀经理条气咁唔顺，我费事会比人喺食物加料。其实经理大可以直接同我地讲要落场我地咪下次先再黎啰，而家无下次，Yoho 大把选择，我无谓比钱受气。