等 (已結業)

TLDR：可以一试，但要留意服务态度以前晚市经过呢条街，见到好多人睇餐牌同排队，谂住平日放假黎试下午餐。平日午餐menu价钱大概98-128加一，有一个主食加一杯咖啡/茶。主食选择多，今日试左蟹膏炖饭同埋三文鱼籽海胆蟹柳意粉。两款主食份量适中，系冇咩客人既情况下上菜大约要10分钟，味道不错，食晒两款都唔会有漏既感觉。饮品非常多选择，包左有近十种花果茶，咖啡，朱古力等，连dirty，piccolo都包，我试左latte同埋黑加仑子茶，比较细杯，味道尚可。唯一既问题系侍应既服务态度。今次系平日约一点半到，现场总共只有三台客人，楼面大部分时间都系同一个侍应生招呼。我地由入门口对booking开始，个侍应好似成日都冇乜反应咁。有几次客人嗌唔该，佢都好似扮听唔到咁唔过黎，或者好恶咁讲一句等阵啦。又或者叫落单或者比杯水咁，听完就会行开慢慢做，一d回应都冇。虽然佢冇做咩特别出位既行为，但系成个感觉系佢好唔想做咁，唔耐烦。如果人少已经系咁，客人多既时候又会点？整体黎讲价钱同食物质素相配合，如果唔介意服务速度慢，态度麻麻，都可以一试。