Garrett Popcorn (已結業)

同老公难得可以去APM行下，行行吓就被好香嘅焦糖味吸引着，原来系爆谷嘅香味。我谂起呢一间爆谷原来我之前都食过，冇谂过原来APM都有。第一次喺现场买原来佢系有几只味道，因为平时比较少食咸嘅爆谷所以就问店员想试吓芝士味同牛油味，店员听到我问可唔可以试嘅时候佢嘅样好似觉得我系有搞搞震冇帮衬，然后我见到隔离有两个女仔都系想问佢拎炮谷试味果两个女仔首先试咗焦糖味，然后问店员试夏威夷果仁焦糖味，店员绝对冇俾任何嘅爆谷佢净系话其实一样嘅啫。最后我都系买咗一包焦糖味爆谷大嘅，果然系有好香甜嘅焦糖味好脆嘅爆谷，其实价钱来讲又唔算真系太贵，一分钱一分货。不过真系甜味嘅爆谷好似好味过咸味，我问咗店员啲爆谷可以保存到几耐佢同我讲佢哋只系着保存一日，所以要尽快食晒佢。但呢一间分店嘅店员态度咁样我未必会再来买如果系要买我都会喺零一间分店买。