Ben哥米線 (已結業)

因为附近无乜好食，所以求其入左依间餐厅食lunch！店入面超大，好空旷，大把位，坐落好舒服。客人全部用餐纸点餐，就咁讲比店员落单都得，唔洗咁浪费～另外有四个汤底选择，竟然仲有个人口味选择可以跟返自己口味而调节味道，仲睇到汤底有乜配菜！Good ! 加𩠌方面，个人觉得有小小贵！好食果d𩠌都要成$10，而且黎到又唔系话真系好多！不过佢送野饮，冻饮唔洗加钱，所以都可以接受！早餐/下午茶时段会平d: 落单时员工好细心全部每项覆一次，而且态度nice到爆，又同我地倾计，好开心但最后都落错左单，我地两碗番茄汤底，但黎左碗小锅，不过个店员有讲佢老花睇唔清😂😂佢对单果阵我地又无听清楚。而味道方面，番茄汤底的番茄味道唔出，肉碎味比较重，而且成碗面都有d油，因为佢d肉碎全部系肥猪肉，一粒瘦肉都无！如果想试番茄汤可以走肉碎😂比较钟意我妹妹既小锅米线汤底，清淡d，但又唔系话无味，小小咸咸地既味道~整体黎讲都唔错！经过可以一试，员工服务唔错，用餐时候开心，味道ok，但唔系超级想去的餐厅。