Gochi (已結業)

2023.07.17 dinner呢一日，终于嚟咗呢度试，其实之前睇到一个食评话有乌蝇，加上佢又唔系平价餐厅，所以一路都冇试，见事隔都好一段日子，呢晚又唔知食咩好，所以就嚟咗。入到去，服务员带位，好正常，但我哋唔系好想坐圆枱，我已经好有礼貌问：唔好意思，想坐另一张枱。点知服务员一句，边张呀！心谂，咩事呢，可唔可以有翻少少礼貌呢？真系想即时走人！店内音乐又开得劲大声，如果真系只系一间酒吧型式都冇问题，但唔系啰，几枱都只系食晚餐，有长者又有小朋友，嘈到都唔系好倾到偈😵‍💫拣咗一个辣肉肠芝士pizza $168 加一个墨鱼汁西班牙海鲜焗饭，都系$168，对我哋嚟讲都冇乜选择，价钱亦都唔算平。Pizza 先到，正常样正常味道，冇乜特别。跟住海鲜焗饭到，卖相唔错，但唔小心就被只碟辣亲，店员完全冇提客人’小心热’之类嘅说话⋯⋯唉⋯⋯其实真系基本嘅服务态度都冇👎🏼 焗饭味道都唔错，食材都几新鲜👍🏼后记：一次够了！