花園餐廳 (金百利廣場)

营业中

休息中

钟意食牛扒嘅人正常都听过花园餐厅呢个名，以往讲咗好耐想食但一直无试。当日系铜锣湾行街睇完展览，唔知食咩嘅时侯就决定去试下。一入去个场都几爆，不过好快就有位。侍应会问客人想饮咩汤，除咗忌廉汤仲有红汤（罗宋汤）选择。而当晚我唔想食扒之余变得更热气，所以拣忌廉汤懒系中和一下haha。-餐包跟餐仲有个餐包，见住侍应系微波炉叮一叮再拎出去，个感觉都几搞笑。食落微暖，整体无咩特别。-忌廉汤入口温热油润，汤水比较稀身，如果系更浓稠嘅质地会更理想。忌廉汤入面都有少许蔬菜，口感无咁单寡，会丰富少少。-肉眼牛扒配薯菜牛扒可以拣唔同酱汁，听到淋落去铁板个啲声真系好正。肉质软嫩易切开，唔会太老或太韧，亦唔会出现咬唔开嘅情况。牛肉味都有，但如果可以更浓郁会仲完美。薯菜经过铁板烘烤后更加外脆内软，热气都忍唔住食晒佢。另外，服务员嘅态度感觉有点散漫同无礼貌，好赶客，希望可以改善下。