八海山

营业中

休息中

平日放工即兴同朋友黎左呢度，环境几阔落，一入到黎即刻有店员带我地入座同埋介绍餐单，好有礼貌。第一印象已经几唔错👍🏻一黎到当然要叫个刺身拼盘先啦，特别想讲吓个海胆，好鲜甜，喺香港好少可会食到啲咁新鲜嘅海胆，而且份量唔小，一食就成口都系海胆嘅味道，要试！🥹其他𠮶几款刺身都系厚切，帆立贝大大粒😍😍另外我地仲叫咗一个一口牛，佢系铁板上嘅，所以上碟嘅时候仲系热辣辣，烧落去仲好最后几唔错㗎！多人嚟食建议嗌两碟，因为真系食唔停口😎呢度最特别嘅，就系佢会俾埋个gas炉你shabushabu, 一路同朋友吹水，一路烚吓烚吓都咪话唔正😌乌冬大大份，食完都饱晒🤰🏻🤰🏻食完之后个店员都行过嚟问我哋啱唔啱食，认真觉得服务唔错，觉得下次可以再嚟🙆🏻‍♀️推介！