泰巷 (已結業)

年初三，同太太睇戏前揾嘢食，荃新天地内间间餐厅都无位，排哂长龙。最后见到这一间不用排队，见装修都几好，就入去试下。但叫极都冇人理，终于等到经理出来才坐下来，当时有三四个著黄色制服的伙记，看到我们但都理都唔理。看餐牌就知餐厅管理有问题。餐牌只是几张 A4纸，第一页是套餐， 我想选择咖哩鸡扒，但睇嚟睇去都唔知配饭或配意粉或其他，因为餐牌无写任何嘢，于是就问伙记，她用一些嬉皮笑脸的方式讲：「 哈哈，真系我哋错， 中文𠮶度真系冇写，但英文有这个rice字㖞，死啰如果啲人客唔识英文咁真系睇唔到㗎。」气都顶埋，唔通我大学毕业都唔识个rice字。算啦，睇埋餐牌的第二页，是他们说自己出名的船河，但伙记继续讲其实𠮶啲唔系河粉嚟嘅，系米粉嚟，明明写著是河粉，点解会系米粉呢？但太太想食河粉，伙计即粉炒的就有河粉，汤就没有了，再次缴死。好彩啲食物来得也快，但是咖哩只是暖的，饭更是冻的，算啦有得食就算，因赶住入场。结账了，取出信用卡付款，我本来是想签卡的，点知伙计回来时话已拍了卡，本来无所谓，离开后才谂到点知佢拍左几多次和几多钱呀，点解唔问过我才拍卡，这餐厅真系好有问题，朋友真的不要去。