尚鮮海鮮料理

营业中

休息中

香港同台湾一样，一年到晚都可以食火锅。 今次同个台湾朋友就去咗佐敦呢一间晚餐 。位置唔算偏僻， 楼下仲有咪表泊车位， 系商业大厦 一楼， 好在有个大招牌所以都好易揾到。一坐低就睇menu， 两人嘅套餐选择唔多， 价钱中等，但openrice预订有折， 所以都ok。星级之选套餐有前菜， 鸳鸯锅，肉类丸类蔬菜 面食全有， 食完好饱前菜有清酒煮鲍鱼泰式生虾。 鲍鱼上盘时很贴心地已切开了， 再加上个清酒汁， 味道清新。 泰式生虾爽口弹牙， 配合辣椒，生蒜， 很惹味。火锅汤底一边芫茜皮蛋 一边系血池麻辣锅，满足不同口味。海鲜拼盘， 手切安格斯牛肉先上场。海鲜拼盘有大虾 蛏子，蚬， 蟮鱼。 手切肥牛考刀工 排得好靓 牛味重，唔会过肥。其他配料入面嘅木耳鲜虾云吞， 芝心狮子狗卷 很出色 。木耳鲜虾云吞皮薄馅靓, 芝心狮子狗卷咬落流心芝士， 要小心热。蔬菜新鲜， 仲有乌冬tim.值得一赞嘅系待应不断走埋嚟帮手毕走火锅上浮面嘅潺， 我谂一餐有走𠮶黎十次左右，而且加汤都好主动，服务好好。