泰豊廔酒家

营业中

休息中

2个中学同学生日，一行7人想揾个地方方便聚旧倾偈，就拣左呢度！招牌菜系北京填鸭，呢个当然系必点菜式︰呢度的鸭唔系净系得层皮，而系填埋有肉，食起上黎口感丰富好多，又冇咁滞，正！小小的缺点系青瓜太少，因为填鸭同酱汁的味好浓，青瓜可以调和返，如果有多D青瓜拌住就好啦！另一招牌菜系叉子烧饼︰侍应话D榨菜肉末有少少辣，但其实我完全唔觉得佢辣！反而又些少咸就真，不过配埋烧饼就OK，烧饼上舖满芝麻，好香口~呢碟都几饱肚架...寿星公想食砂窝云吞鸡，黎到有一大窝，侍应叔叔帮我地分好哂一碗碗咁，个汤够清甜，我好钟意！云吞内就系猪肉，都几鲜甜，但就寡左DD~其他𩠌仲叫左火腿津白、赛螃蟹同埋糖醋鱼块，呢几味就比较普通了...赛螃蟹虽然滑但唔够香，糖醋鱼块酸酸甜甜系几醒胃，不过略带鱼腥~津白就无咩特别啦。食完饭，酒楼仲送高力豆沙，食到好饱，D𩠌多到食唔哂要打包！最后有个Cake1Cake出品的生日蛋糕同朋友贺牛一，大家都觉得几好味！侍应态度好好，好有礼貌！不过除左北京填鸭觉得好好食外，其他只算系不过不失，未至于去到好好食！佢胜在价钱唔贵，一大班人约出黎食中菜，如果唔想花费太多，呢度都系一个不错的选择！