影片
更多
2022-09-24
1874 浏览
去得 #中菜馆 叫套餐，我一向都冇要求，因为一般都系厨师预先整定一定嘅份量，喺繁忙时间加热、装饰，再分派比食客。所以只要食得落口，我都唔会有太多意见🤔 不过基本嘅服务、同安全意识，我觉得餐厅嘅员工都必须好清晰🤔早两日我约咗班朋友仔喺 #星光行 楼上嘅 北京楼 Peking Garden 食饭，虽然我对呢类型菜式兴趣不大，不过既然寿星女钟意，我当然会撑佢啦🥳 嚟得帮衬，我相信大部份嘅人客都系为咗只 #北京填鸭 而嚟，或者系因为厨师怕大家食得太油腻，几乎成个餐牌嘅菜式都到齐，我都未见到只 #填鸭😅 不过呢样对我嚟讲都唔系太大问题。先上枱嘅系 #前菜「捞起」，大家似乎无打算理会里面系啲咩食材，就只系为咗攞个意头就欢喜😉 大家先将 #粉皮、#青瓜、#鸡丝… 疯狂地搅拌，喻意捞起捞起🥳 大家互相祝福后就开始起筷，#小编 先将搅拌好嘅「捞起」再加入麻酱，再配埋旁边嘅两小碟 #海蜇皮 同 #素鸭，口感感觉都几清新🤤 再嚟嘅系 #宫爆虾球，味道辣辣地，#虾球 都几弹牙，不过卖相就真系喺麻麻地😅 之后再嚟咗几个 #小菜，有 #蒸饺子、#鱼炒菜、#菇炒菜… 都冇乜特别，所以我最终每样试咗一件就算数😅 等了
早两日我约咗班朋友仔喺 #星光行 楼上嘅 北京楼 Peking Garden 食饭，虽然我对呢类型菜式兴趣不大，不过既然寿星女钟意，我当然会撑佢啦🥳 嚟得帮衬，我相信大部份嘅人客都系为咗只 #北京填鸭 而嚟，或者系因为厨师怕大家食得太油腻，几乎成个餐牌嘅菜式都到齐，我都未见到只 #填鸭😅 不过呢样对我嚟讲都唔系太大问题。
先上枱嘅系 #前菜「捞起」，大家似乎无打算理会里面系啲咩食材，就只系为咗攞个意头就欢喜😉 大家先将 #粉皮、#青瓜、#鸡丝… 疯狂地搅拌，喻意捞起捞起🥳 大家互相祝福后就开始起筷，#小编 先将搅拌好嘅「捞起」再加入麻酱，再配埋旁边嘅两小碟 #海蜇皮 同 #素鸭，口感感觉都几清新🤤 再嚟嘅系 #宫爆虾球，味道辣辣地，#虾球 都几弹牙，不过卖相就真系喺麻麻地😅 之后再嚟咗几个 #小菜，有 #蒸饺子、#鱼炒菜、#菇炒菜… 都冇乜特别，所以我最终每样试咗一件就算数😅 等了又等，主角 #北京填鸭 终于登场。明白疫情关系，师傅唔方便出场表演，不过一般做法都会将完整一只 #烧鸭 送到客人面前，之后再拎入厨房处理，不过可能 #北京楼 太好生意，师傅都系以工厂形式预先帮填鸭片皮，再分发比食客😅 将 #鸭肉、#青瓜、#京葱 再配以 #甜酱 放上 #么么皮 包起一啖放入口，一次过食到唔同嘅味道，不过填鸭肉似乎就无咩味啰😅
讲到服务呢方面，我认真要投诉 美心中菜，人手长期不足，当然系构成service level下滑嘅主要成因。成餐饭我哋多次要求服务员帮手加水，可惜同事转个头又无咗件事🤔 到上菜嘅时候，我哋见服务员鸡手鸭脚咁将啲𩠌菜放上枱，见唔够位，谂住拎起只碟，腾空个位比佢摆嘢，点知服务员转头就走咗去，我哋就戆居居咁捧住只吉碟等佢得闲返嚟收🤔 而最大问题系 #美心/#北京楼 嘅服务员都惯性单手一次过收几只碟（单手夹住两三只一齐拎起），佢哋呢个坏习惯竟然咁啱又撞泻咗我隔离杯热茶，搞到枱布湿晒之余，我条裙、手袋、电话都湿晒😤 最终服务员都只系求其问吓就走咗去（张枱布仲系湿嘅，但系又无走埋嚟处理）😤 哎 够竟我部电话要挨几多次水劫先够皮呢？
张贴
