西貢海灣會燒烤大王

复活节假期第一日入咗嚟西贡烧烤，我哋大约一点半嚟到 ，成个场应该坐到几百人，入座率得二成，都好冷清下，不怪得新闻话啲人北上消费，本港食肆冷清。入到去坐低， 开咗个烧烤炉之后，就自己攞嘢食 ，餐厅嘅食物正常味道，最好味应该系个猪颈肉😋。😌值得写呢篇食评嘅系因为啲服务员，佢哋真系一绝😒，企喺门口嘅阿姐服务员串咀到爆，用"指挥嘅态度"去叫顾客买咗票先，完全冇服务质素可言😡。跟住坐喺烧烤场内有一个服务员，类似系负责包好啲炭，同埋执好啲枱+ 负责起好个bbq炉 ，佢见我哋个bbq炉烧嘢食𠮶阵比较大烟就过嚟望，用极不友善 ，接近系指责你嘅态度😤，喺度话我哋做乜烧嘢食咁大烟， 大大声咁 exactly 讲 :「咁大烟点样烧嘢食?!🤬」 跟住指指点点咗一轮之后 ，就走开咗 ，态度真系奇差，令人O晒嘴😨。不久我听到隔离枱啲婶婶坐低咗冇耐，就好劳气话出面服务员，又系话其差态度， 直情想闹佢咁济 😟。呢间嘢其实食物系冇问题，配套亦ok，位置都ok，唯一差嘅就系服务员， 畀人人印象非常之差，佢哋真系有好大嘅进步空间啰😂， 真系唔知系唔系老细有默认咗佢哋要咁样服务 🤭🤐。 其实bbq场都 接近 无服务可言，通常