金寶泰國菜館

营业中

休息中

临近假期嘅最后一日，梗系要食餐丰盛嘅先至对得起自己😎唔知点解天气一热就好想食泰国菜，酸酸辣辣超级开胃，由于九龙城实在太多选择，所以就拣咗间历史比较悠久嘅餐厅金宝泰国菜馆。一入门口，就见到蔡澜先生嘅提字同书法，就知道我今晚拣得冇错。泰国嘢我自己嚟讲就一定要食生虾，佢嘅生虾同出边有啲唔同，已经直接淋上酸蒜同辣椒，所以根本唔使纠结要点几多辣汁😂生虾质地爽口，份量正常，价钱就少少偏贵。酸辣大蚬粉丝煲，我以为系好多辣椒粉，好似冬阴功𠮶种，点知上到嚟个汤头比我想像中清新，但又好清爽嘅酸同新鲜嘅香料味，粉丝浸得耐都冇话特别淋，仲系好爽口。饮完呢个汤真系超级开胃，可以准备食好多好多嘢😂😂😂辣椒膏炒青口同串烧发挥正常，但系配上蒜蓉包，味道层次即刻几何级上升，几时都话泰国嘢一定要配蒜蓉包或者薄饼😂😂最后不得不提嘅就系芒果糯米饭，明明都食到几饱，但一定要食个芒果油糯米饭先可以叫画上一个完美嘅句号，芒果质地偏爽但味道鲜甜，配上顺滑香浓嘅椰汁，同埋烟靭嘅糯米饭，果然印证左女仔系有第二个胃嚟食甜品哩句话。