影片
更多
2017-07-30
697 浏览
其实我真系唔惯系度写食评，一黎系自己文笔唔好，二黎系我对食既要求唔高，主要都系睇同咩人食，但今次，我真系开心到决定即日登记帐号，赞一赞间食店！今日有两位好朋友同我庆祝生日，本身以为出去行个圈食餐饭就算，结果令我好惊喜！惊喜位1.友善体贴：因为三个都唔系好识路天气又热，都揾左段时间，本身卜左七点半，最后因为揾路迟左到...老板娘亲切招呼我地，想我地坐得舒服啲就留左六个位既位置俾我地！仲即刻送上水俾我地饮下先！😀2.咖啡拉花：我好中意麦兜，朋友帮我问左店员可唔可以拉麦兜，店员话未拉过可以试下，如果唔得就拉番熊仔我地都ok, 结果见到佢好俾心机咁对住手机拉麦兜，我已经心谂，咁俾心机就算拉得唔好都唔紧要啦！！！同埋都有啲唔好意思要人拉麦兜😂结果...拉得超似超得意！！！3. 庆生环节：朋友话想食甜品，我个人唔系好中意食，但佢地话一系三个人叫两件啦(加15蚊就有一件),咁我地就叫左蓝莓芝士同纽约芝士蛋糕。突然，店员开始关灯，个下我以为可能佢地就黎关门所以开始熄灯啦(佢地收九点半，个阵差唔多八点半)...然后我望一望后面，见到朋友拎住只碟上有蛋糕，个下心谂：咦，蛋糕要自己拎既！然后先见到有蜡烛同听
今日有两位好朋友同我庆祝生日，本身以为出去行个圈食餐饭就算，结果令我好惊喜！
惊喜位
1.友善体贴：因为三个都唔系好识路天气又热，都揾左段时间，本身卜左七点半，最后因为揾路迟左到...老板娘亲切招呼我地，想我地坐得舒服啲就留左六个位既位置俾我地！仲即刻送上水俾我地饮下先！😀
2.咖啡拉花：我好中意麦兜，朋友帮我问左店员可唔可以拉麦兜，店员话未拉过可以试下，如果唔得就拉番熊仔我地都ok, 结果见到佢好俾心机咁对住手机拉麦兜，我已经心谂，咁俾心机就算拉得唔好都唔紧要啦！！！同埋都有啲唔好意思要人拉麦兜😂结果...拉得超似超得意！！！
3. 庆生环节：朋友话想食甜品，我个人唔系好中意食，但佢地话一系三个人叫两件啦(加15蚊就有一件),咁我地就叫左蓝莓芝士同纽约芝士蛋糕。突然，店员开始关灯，个下我以为可能佢地就黎关门所以开始熄灯啦(佢地收九点半，个阵差唔多八点半)...然后我望一望后面，见到朋友拎住只碟上有蛋糕，个下心谂：咦，蛋糕要自己拎既！
然后先见到有蜡烛同听到朋友唱生日歌😂先回过神来！！！只碟上有我个名同Happy Birthday!真系好靓！本身仲问我朋友要唔要播*恭祝你福寿与天齐*既歌？朋友话唔驶，佢最后播左首英文生日歌😂
其实人愈大，肯花心思俾惊喜你同你过生日既朋友真系唔多，所以我真系好开心，有间餐厅咁配合！！真系好感动！😭
诚意推介俾大家！
p.s. 1.间店有少少难行，系如心广场对开个度既，地铺黎既！
2. 朋友叫我打既：杯冻既白朱古力好好饮！好少见餐厅有依样！值得推介！
3. 三个人最后食左二百零蚊都算抵食！
4. 中意食素或想间唔中食素既人都可以系依间揾到岩食既，我个人觉得芝士杂菜意粉几好味！
最后，如果你睇晒依篇文，我都好想多谢你！因为我好长气，又好想打得生动啲！多谢你哋睇完，有时间就去试下啦✌
56 浏览
0 赞好
0 留言
张贴
