LIFETASTIC (希慎廣場)

营业中

休息中

9PM 先去食晚饭，餐厅好似收紧档咁，我就快速睇完个MENU极速落单，但原来佢只系有一部份会先收档，仲叫我唔洗急慢慢食。叫左个凯撒沙律及杂菜汤，睇尼佢都知我夜食饭一定好肚饿所以食物好快准备好。杂菜汤正常水准，杂菜系每粒都差唔多大细，有饮过其他杂菜汤啲菜会比较长但又有粟米，我会觉得一旧长一旧短咬得唔舒服。凯撒沙律我以为系斋，但原来有咸咸地既鱼肉，捞落个淡淡地既沙律系好啱味既。菜系新鲜爽脆、芝士好味、面包干得5料有啲少，但面包易肥都系食少啲好。尼间餐厅其实蛋糕系比较出名既，所以就加配一件西瓜士多啤梨蛋糕。西瓜就系其中一层夹心，配上杏仁味既饼底，顶层系士多啤梨。我觉得杏仁味较重，水果味比较淡，有朋友表示澳洲个原版好食好多，个分别系澳洲蛋糕既水果系严格挑选。另外除左HYSAN，我都去过THE ONE 果间食蛋糕，但啲员工完全无SERVE 过我，叫野食我都系去外卖条队....再另外，我又去过IFC买外卖蛋糕，员工处理蛋糕时系会用手套，而收钱时系会除手套，非常卫生非常好。