影片
更多
2018-05-19
22 浏览
今日同男朋友去左铜锣湾一间食日本野嘅餐厅，餐厅嘅装修以黑色为主，墙身系普通嘅石屎墙，但天花嘅吊灯系几何图形嘅外框，另有一番风味。一口帆立贝海胆。原粒帆立贝烧左表面然后切开加入金黄色嘅海胆。好精致！海胆金黄色好吸引，入口甘甜好新鲜，帆立贝烧得好香口但又唔会老身。烧日本广岛蚝。呢到啲菜道道都好精致，广岛蚝上枱嘅时候啲汁仲系滚架！胀卜卜嘅蚝肉上面有蒜蓉、葱同蟹籽等等，好足料。入口嘅蒜蓉味好香，蚝身烧得啱啱好。黑松露芝士焗西兰花。上枱热辣辣，一大旧黑松露系到真系好大方。夹起旧西兰花下面仲有拉丝嘅芝士，见到都满足。黑松露嘅香、芝士嘅咸、西兰花嘅清全部都好夹。铁板和牛。和牛可以选择自己烧或者系师傅帮你烧，和牛香喷喷好吸引！入口即融，油脂好丰富，面层有黑椒吊味。伴碟嘅有菇菌同洋葱，菇菌都好好食。上菜速度唔算快，但服务同水准绝对一流！就算系2位食客都会安排坐四人位，唔会要人撘枱，见到老板宁愿做少啲生意都要客人坐得舒服，值得一赞！
一口帆立贝海胆。
原粒帆立贝烧左表面然后切开加入金黄色嘅海胆。好精致！海胆金黄色好吸引，入口甘甜好新鲜，帆立贝烧得好香口但又唔会老身。
烧日本广岛蚝。
呢到啲菜道道都好精致，广岛蚝上枱嘅时候啲汁仲系滚架！胀卜卜嘅蚝肉上面有蒜蓉、葱同蟹籽等等，好足料。入口嘅蒜蓉味好香，蚝身烧得啱啱好。
黑松露芝士焗西兰花。
上枱热辣辣，一大旧黑松露系到真系好大方。夹起旧西兰花下面仲有拉丝嘅芝士，见到都满足。黑松露嘅香、芝士嘅咸、西兰花嘅清全部都好夹。
铁板和牛。
和牛可以选择自己烧或者系师傅帮你烧，和牛香喷喷好吸引！入口即融，油脂好丰富，面层有黑椒吊味。伴碟嘅有菇菌同洋葱，菇菌都好好食。
上菜速度唔算快，但服务同水准绝对一流！就算系2位食客都会安排坐四人位，唔会要人撘枱，见到老板宁愿做少啲生意都要客人坐得舒服，值得一赞！
张贴
