好彩海鮮酒家 (已結業)

多得酒楼有早巿特价时段，多咗食早餐的选择，唔使吓吓去茶记或快餐店。早巿食个咸鱼肉片煲仔饭加个点心，足够应付去郊游所需。煲仔饭热辣辣，饭粒分明，软硬适中，块咸鱼比想像中大件兼唔系死咸。煎酿茄子、煎金粟鱼饼、干蒸牛肉都有特价，干蒸牛肉个样虽然歪歪斜斜，味道系三个之中较好。正价点心叉烧肠，皮薄得嚟叉烧多，甜豉油味道啱啱好，喜欢；芝麻煎堆仔内有莲蓉，甜度适中，一定要趁热食。楼面职员数目少，但佢哋好有 team spirit ，互相补位极有默契，做嘢超勤快，默默冇停手咁开工，真心大力给赞！