千府·居食屋 (已結業)

一间好嘅餐厅，除咗食物质素之外，员工嘅服务亦都占咗好重要嘅因素。 今日去嘅 胜利道2号 “千府“日式居酒屋食饭，两方面都做得好好。 我自己就早到咗，我就拎住好多嘢，当我起身想去洗手间，店员就好主动讲帮我睇实啲财物，等我可以轻轻松松去洗手间。 朋友嚟到我哋就开始食饭， 呢度用嘅碗碟都好靓好精细，就连个豉油碟都系有富士山图案，最啱我呢啲咁钟意影相呃like嘅人。 讲番食物，先前菜就有一个用青瓜同萝卜切条点一个自制嘅提鱼酱 ，味道咸咸香香几开胃 。另外仲有萤光鱿鱼渍物， 味道口感都好丰富。 下一道菜就松叶蟹肉波波 ，满满嘅蟹肉，每一啖都爆蟹肉。 然之后就系寿司拼盘九件 ，有海胆和牛等等 ，每一啖都系滋味 。 然之后就到蟹膏蟹肉茶蒸碗，我十分喜欢食蟹膏， 同蒸蛋好夹。 仲有一啲串烧例如番薯仔同冬菇都很不错。 主食方面我哋就嗌咗一个安格斯牛肉乌冬 。最后仲有一个宇治绿茶布丁，同样地十分好食。 最靓嘅就系我哋点咗嘅两杯梳打，个杯垫识发光，见到杯底成个富士山出晒嚟，直情靓到dup一声。 值得一赞嘅就系店员每一道菜都会好细心咁为你作介绍 ，表现得十分专业。