威龍海鮮酒家

营业中

休息中

入左去坐低之后，介绍我地去对面既海鲜档拣海鲜，拣左花竹虾、蛏子、鲍鱼、花甲、象拔蚌、墨鱼、屋企人想食石头鱼，佢帮我地出去揾，再追加左桶蚝，所有海鲜加埋差唔多3千几，因为石头鱼比较贵。最后决定象拔蚌刺身，炒花竹虾、姜葱鲍鱼同桶蚝、油泡墨鱼、蒜蓉蒸蛏子、油盐水花甲、清蒸石头鱼同清炒生菜。蚝就细只左啲，其他𩠌都烹调得好好，唔会过分重味，调味刚刚好，唔会盖哂海鲜原本既味道。最尾埋单4千蚊左右，呢间海鲜酒家上菜好快，而且员工不断帮手换碟，执野，而且好有礼貌。食饱仲有每位半只木瓜同芒果，下次再黎鲤鱼门都会再黎呢间酒家。