影片
更多
2021-10-17
1129 浏览
南大门系喺鲤鱼门海鲜街最入嘅一间餐厅，由油塘地铁站开始行到南大门大约要15分钟，都有红van可以到海鲜街，有揸车就会方便d。佢系一间来料加工嘅餐厅，有270度落地大玻璃，建议大家可以5点几6点去到，就可以欣赏到日光至晚间嘅景色喇～我哋攞咗位之后，就去附近一间叫威记嘅档拣海鲜，拣完再同南大门讲返每样海鲜想要嘅煮法。餐牌有名码实价列出收费，简单易明，基本烹调费每人$110，如果坐窗边的话每人$130。例如我哋5个人去食，坐窗边位，即系$650包煮5样海鲜，额外每碟海鲜收费$120，如果再叫小菜就再另外收费。想特别赞嘅位系，餐厅环境干净企理，服务一流好贴心，上咗三碟𩠌之后，会等我哋差唔多食完先再煮其他𩠌，唔会一次过上哂，等我哋可以慢慢食慢慢倾，海鲜紧系要趁热食先正，一次过太急上哂系食唔切，仲有d细节位就唔详细讲了，总之就好满意🥰我哋喺威记买咗一只肉蟹，一斤半蚬，一条斑，五只扇贝，一只西澳龙虾，一只墨鱼，总共买咗$2000，主要系条斑同龙虾比较贵。海鲜全部都好新鲜，服务都好好，送咗个生果盘同汤。•🥢 焗芝士龙虾伊面 呢碟海鲜加咗芝士同伊面，所以另外要加$90，伊面份量适中，面质正常，唔会过淋，
佢系一间来料加工嘅餐厅，有270度落地大玻璃，建议大家可以5点几6点去到，就可以欣赏到日光至晚间嘅景色喇～我哋攞咗位之后，就去附近一间叫威记嘅档拣海鲜，拣完再同南大门讲返每样海鲜想要嘅煮法。餐牌有名码实价列出收费，简单易明，基本烹调费每人$110，如果坐窗边的话每人$130。例如我哋5个人去食，坐窗边位，即系$650包煮5样海鲜，额外每碟海鲜收费$120，如果再叫小菜就再另外收费。
想特别赞嘅位系，餐厅环境干净企理，服务一流好贴心，上咗三碟𩠌之后，会等我哋差唔多食完先再煮其他𩠌，唔会一次过上哂，等我哋可以慢慢食慢慢倾，海鲜紧系要趁热食先正，一次过太急上哂系食唔切，仲有d细节位就唔详细讲了，总之就好满意🥰
我哋喺威记买咗一只肉蟹，一斤半蚬，一条斑，五只扇贝，一只西澳龙虾，一只墨鱼，总共买咗$2000，主要系条斑同龙虾比较贵。海鲜全部都好新鲜，服务都好好，送咗个生果盘同汤。
•
🥢 焗芝士龙虾伊面
呢碟海鲜加咗芝士同伊面，所以另外要加$90，伊面份量适中，面质正常，唔会过淋，超多芝士汁但唔会觉得漏，就算冻咗少少，芝士汁都唔会硬咗一旧旧，芝士味够浓🧀 推介👍🏻
焗芝士龙虾伊面
42 浏览
0 赞好
0 留言
•
🥢 蒜蓉蒸扇贝
我去过南大门两次，两次都有食扇贝，第一次去扇具蒸嘅火喉刚刚好，肉质超嫩滑又唔痴牙，不过第二次食就蒸耐咗少少，调味系超多蒜加豉油，豉油好惹味唔会死咸。
蒜蓉蒸扇贝
37 浏览
0 赞好
0 留言
•
🥢 蒸鱼
嫩滑，蒸到啱啱好，唔会过咗笼，妈妈都大赞好食👍🏻
蒸鱼
43 浏览
0 赞好
0 留言
•
🥢 姜葱炒蟹
酱汁偏少，变咗食蟹𠮶阵唔太食到d汁，味道都唔错，不过可以再咸多少少。
姜葱炒蟹
57 浏览
0 赞好
0 留言
•
🥢 椒盐墨鱼
墨鱼炸粉超薄，少少脆，椒盐味唔会盖过墨鱼味嘅鲜味，炸嘅熟度啱啱好，所以好易咬，完全唔韧。
椒盐墨鱼
53 浏览
0 赞好
0 留言
•
🥢 支椒炒蚬
蚬好肥美，无沙，肉质嫩滑，酱汁有层次，惹味！
支椒炒蚬
119 浏览
0 赞好
0 留言
•
🥢 咕噜肉 $148
咕噜肉切得好细粒，一啖放入口啱啱好，肉质嫩滑无肥膏，不过腌料偏淡，炸粉薄，但唔算好脆，可以再脆d，酱汁稀竭程度刚好，够挂到汁。
咕噜肉
34 浏览
0 赞好
0 留言
•
🥢 蒜蓉炒菜心 $108
碟菜心唔记得咗影相😝 菜心好翠绿，清甜👍🏻 不过价钱系贵咗少少啦
•
最后餐厅送上南瓜薏米糖水，南瓜味好浓，甜度微甜，食到一丝丝南瓜，唔钟意食南瓜嘅我都觉得真系几好食啊！因为免费就唔特别评分了☺️
张贴
