和牛波士概念店

营业中

休息中

基本上好少会俾差评，除非真系难食或者服务差，今次呢一间就中咗后者。放工想买d野食番屋企，见到呢间铺头做紧taco半价优惠，就谂住买一个番去食。结果企咗响个cashier 5分钟，个staff先施施然咁过黎落单。见佢本身折紧纸盒，估计应该系做半价所以多野做，无时间应付客，咁就无理啦，结果系落完order之后，落单既人寥寥可数，但系出餐异常地慢，基本上系十五分钟起跳，重点系我白白企咗半个钟，先得果5个order唔够，都可以漏咗我单，要我问个staff先好似如梦初醒咁! 得果几张单都可以漏单，真系几好食都无用啦!讲番个taco，味道正常但其实算妯件，一个女仔一餐起码要食两件先够饱，如果唔系特价我一定唔会试，因为CP值真系好低，宁愿正正经经坐低食餐饭好过。