炉端金 (已結業)

今年团年饭搞搞新意思，食日式放题，唔驶煮之余又包罗万有，而且价钱比起食一围菜更化算。今日就去左尖沙咀金马伦道既「炉端金」食日式放题。一般放题都有既沙律、寿司、刺身、煮物和烧烤，呢度都一样有，不过食物既选择并唔算太多。另外亦可以加钱任食烧肉，其实都算一个几弹性既选择。用恒生卡有8折刺身质素唔错，尤其系象拔蚌，爽脆鲜甜，油甘鱼都好新鲜！军舰寿司好几款，试左海胆同拖罗蓉。拖罗蓉唔错！前菜每款份量都系少少，唔驶惊食唔哂！枝豆有调味过，正！清酒煮蚬，蚬肉鲜甜无沙，清酒味浓天妇罗系必食推介‼️呢度既天妇罗比好多日本餐厅更好食！！天妇罗上台𠮶阵仲系热既，天妇罗炸浆够薄够脆，唔会料同炸衣分开两层。天妇罗鳗鱼encore 左好多round, 无左平时层鳗鱼汁，更加食到鳗鱼既鲜味，必食！甜品种类好多，Mövenpick,haagen dazs都有，亦有韩国雪条雪糕。有啲另外加钱食既刺身生蚝清酒都系任饮另外值得一提既系呢度既服务非常好，侍应有礼貌又够细心，收碟速度又快。两个人安排左坐卡位，亦都非常阔落，之前试过喺其他放题店坐啲劲窄既二人台，野食都摆唔落，呢度就无呢个问题。