Brunch Club & Supper

营业中

休息中

以前都嚟过呢间食晚饭，今次系同朋友庆祝生日，佢为咗缅怀以前叙旧的日子，特登选咗呢一间，订位之前已经同左餐厅讲，要佢喺我哋嘅甜品碟上面，写上生日快乐，但系完全冇做到，我觉得个服务真系麻麻，咁重要嘅嘢都冇做到。讲返食物，老实说，真系好普通，就系早餐煎薯饼、香肠、蘑菇、面包、鸡蛋，其实食物非常简单，自己屋企都可以做，所以我觉得系收贵左，当晚佢嘅椰子鸡尾酒买一送一，我朋友想饮，所以就叫咗两杯，但系实在太甜啦，唔好饮，都叫咗个朱古力蛋糕做甜品，但系个蛋糕太干身，似乎摆咗好耐。呢个地方胜在喺铜锣湾来讲，叫做旺中带静，环境系比较阔落同埋舒服，枱与枱之间有啲距离，所以倾下心事，都系一个舒服嘅聚脚点。