燒肉牛蔵 (已結業)

多年前曾经惠顾，和牛之高质和食物种类之繁多都令我留下很深印象。多年后因缘际会即把握机会再次帮衬，可惜因为有期望，结果十分失望。首先系我喺openrice订咗位，但我早咗几分钟到，门口阿姐坚持唔肯俾我入，除非我肯取消咗个booking，言下之意即系想屈我缺席。对于呢个无理要求，我唔肯就范，坚持唔罚企要即时入座，但我会保留向openrice申诉嘅权利，所以最终都俾我早咗入，但已平白折腾咗几分钟。入座后咩都无讲，劈低个QR code，我嘟入去先发现已被点餐，已点了澳洲和牛放题。我问佢哋点解自把自为无问过我，同埋问澳牛餐同日牛餐有咩分别。佢话无menu，叫我哋自己出返去门口睇，跟住又话无人会点日牛，所以唔会问，但转头又话要喺大众点评先点到日牛，全程不尽不失，乱噏一通。其实我今餐请客，令到场面十分尴尬，无问过人想食咩就被自把自为点晒餐。食物质素方面，简直系两个极端，以前印象真系好好食，牛味令人再三回味；依家啲牛相反系好难食，无纹无味，质地亦极之鞋，简单讲，出面𠮶啲烧肉连锁店比佢哋好食不知几多倍。难怪以前起码人均四五百起跳，依家居然只系勉强够三百，原来系将货就价！