燒肉牛蔵 (已結業)

呢間間餐位置交通十分方便，燒肉果個爐頭很好，好容易控制火候，每一碟都好好味，牛肉都有好多塊，燒幾下就熟，可以加埋紫菜飯一齊食更加好味，d肉仲要係新鮮沒有雪櫃味道

突然想食燒肉放題就想起幾年前食過呢間，當時肉類質素很高，但很難訂位就沒有再幫襯。見近期食評一般就抱住試試嘅心態去食，可能中午關係，食客不到1/3，坐下隨即點餐，肉質雖然沒有當年好，但亦不算差，服務亦很好，要求換網亦沒有黑口黑面，$200幾蚊120mins放題係尖沙咀黎講算不錯

燒肉可謂是肉食愛好者們的最愛，充滿著誘人的香氣和美味。而放題燒肉更是讓人無法抗拒的誘惑😍😍位於市中心iSquare的放題燒肉店。交通便利從燈光到音樂都營造出一種放鬆舒適的氛圍~~「令人滿足嘅燒肉放題」提供多種高品質的肉類選擇，包括嫩滑的牛肉、鮮美的豬肉以及口感豐富的雞肉。無論是切得較薄的片肉還是厚實的肉塊，每一口都帶著濃郁的肉汁，令人回味無窮✨✨店內的蔬菜和海鮮部分同樣令人驚艷。新鮮的蔬菜提供了清爽的口感和平衡的營養，而鮮蝦、蚌等海鮮選擇則為整個放題體驗增添了一絲豪華感💯😍😍工作人員態度親切，確保桌上的肉品供應充足🤤另外，他們還會及時更換燒烤爐頭，確保食物烤得恰到好處店內的環境整潔，桌椅舒適。放題價格相對於其他餐廳來說非常實惠，且肉品的質量絕對超過價格的期望。這裡是和朋友、家人共享美食的絕佳場所👨‍👩‍👧‍👦如果你是一個真正的肉食愛好者，這裡絕對是你不可錯過的天堂🫣🫣

朋友是食肉獸，每次的餐廳選擇都會是燒肉。，朋友同老公都食過幾次，推介呢間餐廳的澳洲和牛的平價燒肉($238/位)。餐廳日式裝潢以深灰色為主調，有情調，而家有不少卡位，坐位闊落，私隱度不錯。食物選擇上分為燒肉、海鮮、炸物、小食及和食，種類也不多不少。燒肉類方面，每一枱會有一客和牛頭盤，分別有澳洲和牛西冷、肉眼、CAD牛肋骨及薄切牛舌。油脂分布比例平均，澳洲和牛肉質雖然未去到日本和牛的入口即融，但也十分不錯，不會鞋口，令人滿足。而呢四款亦是最推薦的肉類，可以無限續點，朋友喜歡西冷及肉眼，我就喜歡油脂最豐富的CAD牛肋骨。雞翼同豬頸肉也不錯。海鮮方面推薦帆立貝、魷魚及墨魚，蝦就一般。炸物推薦炸蝦及個人最喜歡的香芋地瓜球及朋友喜歡的榴連波波。自助區擺放了蔬菜及菇類、甜品及飲品。除了自助區的甜品、雪糕及雪條外，每人都有1份MÖVENPICK雪糕，十分加分。食物下單上得足，而且快，抽風強，冷氣足夠，即使食完也不會有太大的燒肉味道。以呢個價錢而言，食物水準算不錯，有不同種類的食物可以選擇，環境舒服又抵食，值得一試。

超誇張嘅一次放題體驗！今日食宵夜時段，諗住就黎9點見呢間有打8折就入黎食下啦，點知原來貼係門口嘅8折優惠早就冇左，算了差少少錢，照入去食👌🏻8:45入坐last Oder 10點，但9:30就被告知冇哂牛舌，9:45連蔬菜位都收哂，叫野又勁遲先上🤷🏻‍♀️，好似趕住收鋪咁咩都收起哂，啲肉遲上仲要係未解凍嘅😌到後尾9:50成個自助區拉埋閂，叫職員同佢講清楚我未食完，佢先開返比我拎2個雪糕🙂其實唔想做宵夜時段可以早啲收鋪，而唔係拎正價比顧客呢種級數嘅體驗最後10點零就走人，因為真係冇野可以食。

多年前曾經惠顧，和牛之高質和食物種類之繁多都令我留下很深印象。多年後因緣際會即把握機會再次幫襯，可惜因為有期望，結果十分失望。首先係我喺openrice訂咗位，但我早咗幾分鐘到，門口阿姐堅持唔肯俾我入，除非我肯取消咗個booking，言下之意即係想屈我缺席。對於呢個無理要求，我唔肯就範，堅持唔罰企要即時入座，但我會保留向openrice申訴嘅權利，所以最終都俾我早咗入，但已平白折騰咗幾分鐘。入座後咩都無講，劈低個QR code，我嘟入去先發現已被點餐，已點了澳洲和牛放題。我問佢哋點解自把自為無問過我，同埋問澳牛餐同日牛餐有咩分別。佢話無menu，叫我哋自己出返去門口睇，跟住又話無人會點日牛，所以唔會問，但轉頭又話要喺大眾點評先點到日牛，全程不盡不失，亂噏一通。其實我今餐請客，令到場面十分尷尬，無問過人想食咩就被自把自為點晒餐。食物質素方面，簡直係兩個極端，以前印象真係好好食，牛味令人再三回味；依家啲牛相反係好難食，無紋無味，質地亦極之鞋，簡單講，出面嗰啲燒肉連鎖店比佢哋好食不知幾多倍。難怪以前起碼人均四五百起跳，依家居然只係勉強夠三百，原來係將貨就價！

一家大小出尖沙咀看電影，經過見到呢間外型美觀，裝修很有日本風格，地方寬敞，門口都有人等位，我同老公都係燒肉愛好者，同埋呢到有四小時，我們有二位小朋友，平時的放題時間都係大約三小時都唔太足夠時間食野，呢間有四小時即係覺得時間綽綽有餘佢地的的食物好多選擇，牛嘅種類又多，呢到的牛性價都好高，推薦吃日本A5和牛雪花均稱同埋入口牛味濃，小朋友都每人食左二大舊魚生非常新鮮，推薦吃甜蝦，超級鮮甜熟食都唔少，炸天婦羅、炸南瓜、炸芝士薯餅等等。。飲品又多選擇，最好有唔凍的飲品放在枱上，可以供應給小朋友飲用同埋甜品方面，都幾多選擇， 奶凍、芝士蛋糕、雪條雪糕等等今次絶對係完美的無限時燒肉

無限時燒肉放題，原價$348（星期五 / 六 / 日，另加$40），依家做緊快閃優惠，午市只需$268（加埋一都係$295），可以由 11：30 食到 16：00。真係超抵食，性價比極高。多款燒肉食品（牛肉、豚肉、雞肉、海鮮、菇菜）、熟食、冷盤、沙律、日式炸物、烏冬、甜品糕點、雪糕雪條、罐裝支裝飲品，大量不同嘢食嘢飲，質素唔錯，款式又多，出菜算快、又冇漏單，服務可以，環境裝修不錯，抽風抽氣強，冷氣足夠，真係冇乜嘢可以投訴。

兩年前黎食嘅時候都幾滿意，人均三百幾可以坐好耐。今日再食嘅時候覺得質素下降咗好多，啲肉嘅顏色冇咁靚，感覺冇咁新鮮。肉質亦都唔夠Juice，可以選擇嘅嘢食好少。有少少失望。

總共去過兩次食 佢哋嘅烤肉！ 第一次去到嘅時候 係畀個價錢吸引咗！ 因為佢個價錢 廣告有啲分別。原來係平咗， 跟住入去叫佢嘅嘢食之後， 牛嘅種類都幾多， 其他熟食 都算可以 ，天婦羅十分之好食！賣點係 四個鐘 任燒任食任飲 呢個先係最正！ 好怕啲得個兩個鐘， 唔夠一陣就叫你埋單last order。而甜品方面， 亦都幾多選擇， 有奶凍 有芝士蛋糕 有雪條. 而喺飲品方便我都覺得ok嘅, 有 基本嘅可樂呀 無糖嘅飲品呀 都算可以啦! 所以隔咗一個禮拜之後去食多次！我覺得呢間餐廳值得再去！！

好耐冇出嚟食燒肉放題, 適逢網上見到呢一間價格性高嘅食店 ,而吸引到我嘅就係佢係無限時及價錢合理燒肉放題, 所以決定約家人一齊嚟朝聖一下 。早在一個月前已經訂枱book位 ,餐廳開五點半 ,去到門口侍應好有禮貌咁招呼道我哋去一張可以坐到八人嘅卡位, 呢間食店係用手機 QR code落單非常方便 ,枱面有兩個明火爐方便人多時唔洗等位燒😉而價錢亦唔貴,每位都係$298蚊 連加1 , 而菜單裏面大部分都係無料 但當然亦都有菜單係需額外付款,例如刺身拼盤 酒類飲品 炸物等等,大家要睇清楚價錢哦! 店鋪亦都會奉上一次性嘅四款燒肉拼盤, 其中包括係 牛舌 肉眼 西冷及牛肋骨, 但大家注意拼盤中嘅數量有機會不等於人頭數量,我哋今日 一行六人,拼盤每款數量都係得四件, 唔緊要啦,我哋仲可以喺菜單度落單食到飽,我最推介就係牛脷 ,雖然唔係厚切,但都爽口及大大塊,都算合格,所以今晚我哋全力都係進攻牛舌 。而我最鍾意嘅就係佢所有嘅肉類都未經醃製 ,燒完之後可以隨著個人喜好加調味品 例如有鹽 七味粉 醬油等等, 而另外我哋亦都嗌咗個自費嘅刺身拼盤, 魚生食材 都算合格, 而另外亦都叫咗少量海鮮燒,包括海蝦

耐唔耐鋪燒肉癮就發作，想食和牛又唔想就住就住，朋友介紹I-Square既 #燒肉牛藏，印象中開業多年，一直未有機會試，依家有和牛任食放題，仲要無時限，當然要試試。放題套餐有唔同價位選擇，最平$298就有精選和牛餐，用埋快閃優惠再平$30，激抵！而我地一心想豪食和牛無限制，就揀左$638 既和牛刺身任食套餐，價錢係有啲貴，但可以任食日本和澳洲和牛，回到本。室內燈光較昏暗，都幾有格調，我哋被安排座卡位，幾有日式居酒屋風味。肉類和主食以QR code落單，小食、前菜、甜品、飲品就喺自助區自取。目標明確食和牛，所以集中專攻和牛，分別有日本和牛及澳洲和牛，其他肉類仲有西班牙黑毛豬、雞肉、羊架等等。另外仲有海鮮、熟食、甜品等等，食物種類多。兩款和牛都各特色，日本和牛油花多，肉稔而豐潤；澳洲和牛肉味濃郁，口感較強，相間來吃最滋味。部位有西冷、肉眼、牛肋骨、薄切牛舌等，滿足到各人的喜好，我就喜歡肉眼較稔滑、朋友喜歡西冷有嚼勁，燒既時侯飄來油香肉香都令人垂涎欲滴了。單單和牛已encore很多次，好滿足。另外有刺身任食。一向日式放題既刺身水準也是普通，但這裡的刺身卻頗高質，厚切三文魚新鮮黐稠，入口即溶，口

位於尖沙咀彌敦道63號iSQUARE國際廣場7樓701號舖的「燒肉牛蔵」，是一間地點方便、正宗日式燒肉店。「燒肉牛蔵」的環境相當好，每張桌子都有足夠的空間放置食物，而且油煙不大，讓人感覺舒適。燒肉牛蔵的燒肉放題餐是可以盡情品嚐日本和牛和澳洲和牛。這裡的和牛質量很高，完全入口即化。特別是日本和牛肉眼和日本和牛西冷，肉質柔軟，油脂分布均勻，讓人回味無窮。除了和牛，牛舌和牛肩肉也非常美味。而其他肉類如豬肉和羊肉，品質同樣出色。除了肉類，燒肉牛蔵還提供海鮮任燒。海蝦、魷魚非常鮮美，彈牙口感讓人回味無窮。此外，這裡還有刺身壽司、炸物、天婦羅、烏冬拉麵等豐富的選擇。甜品和飲料也非常豐富，包括雪糕、小食等，讓人滿意。當然要點這裡出色的刺身，包括三文魚、吞拿魚、帶子和甜蝦。這些刺身新鮮爽口，口感豐滿，讓人回味無窮。最後，甜品方面有很多糕點，而且每人都有1份MÖVENPICK雪糕，雪糕口感細膩，味道濃郁，為這次燒肉之旅畫上完美句號。自助吧：總言而之，「燒肉牛蔵」是一間值得一試的日式燒肉店。無論是肉類、海鮮還是其他美食，這裡都能讓你滿足。

朋友生日想食燒肉, 咁就搵間貴價少少又有得食和牛既燒肉放題俾佢啦~上網見到有人介紹呢間係TST  ISqaure既日本燒肉放題餐廳係無限時任食, 咁OK喎, 可以邊食邊傾計唔洗趕時間餐廳環境充滿日式風情, 裝修格局都係以傳統既日系風格為主, 彷如置身日本咁呀!!我地2人被安排坐CAR位, 座位好寬闊, 放到成枱野食~~食物分QR CODE落單&自助區自取~自助區主要有日式小食, 蔬果, 幾款熟食&甜品飲品就有罐裝枝裝果汁汽水~~熟食有炒翠玉瓜, 司華力腸, 咖哩魚丸&炒飯....今次食既係無限時和牛燒肉刺身壽司放題, $558/位~任食A5日本和牛, 澳洲和牛, 紐西蘭牛肋條, 羊架, 西班牙黑毛豬, 牛肋骨, 牛仔骨等.... 肉類非常豐富!!另外仲有丸類, 腸, 海鮮, 炸第, 小食, 和食既然食和牛放題, 我地梗係主要點和牛啦~~日本A5&澳洲和牛都係今次主打,不斷encore日本A5和牛脂肪比例高, 油花均勻, 肉質軟腍, 入口即溶而澳洲和牛則牛味香濃, 口感嫩滑~~仲食左醬汁牛仔骨, 好入味, 肉質柔軟另外仲點左其他肉類, 例如豬頸肉, 骨付雞肉腸, 雞翼~~雞翼係單邊雞翼,

原來牛藏推出左無限時放題套餐一次過可以任食和牛、刺身、壽司、炸物等等滿足曬你所有既願望最重要係無限時可以慢慢嘆足幾個鐘唔駛趕. 最吸引的應該係A5和牛都可以任食油花分布均勻而且入口即化真係點幾多塊就黎足幾多塊絕不欺場.和牛拼盤都非常推介雖然油花不如A5和牛般多但始終都係和牛質素絕對有保證一次可以試勻喜歡那款質感便可再追加.羊架的新鮮程度肉眼可見燒至七成熟帶點粉嫩肉質好軟滑.常見的刺身款式都有而且非常新鮮wasabi 是用上新鮮即磨的那款增添芥末獨有的香氣.多款海鮮選擇帆立貝、魷魚、墨魚、八爪魚🐙全部都好新鮮海蝦更是食得出的鮮甜簡簡單單灑上海鹽已經好好食.熱食方面點了熱湯烏冬同豆腐雜菜鍋鰹魚清湯口味非常清爽暖呼呼的烏冬同雜菜鍋很暖心.炸物必點天婦羅蝦、蟹肉薯餅同紫心香芋丸紫心香芋丸更是要encore香芋味非常突出外皮炸得煙煙韌韌非常好食.場內亦提供自助吧有各式各樣的飲品、小食、前菜及甜品可以選擇.最後每人送上一杯movenpick 雪糕為整個燒肉放題畫上完美句號