影片
更多
2021-08-27
171 浏览
放工去揾太太，太太话想食日本嘢，咁就上OpenRice 度揾下有冇啲咩好评啦，咁岩就揾到呢间「花火和食」好多好评，咁就去试下啦，系去嘅途中撞到太太嘅闺蜜，咁就3个一齐去食啦😋可乐饼28/2件(紫芋可乐饼 同 芝士可乐饼)紫芋饼入面好多紫芋 同 栗子蓉，材料好足，而芝士饼当然唔使讲啦，芝士控嘅我，当然觉得一流啦🤪原条茄子🍆$48即叫即烧，需时15-20分钟架，果然食好嘢系要有耐性架😆蟹盖海胆酱黄金烧$38海胆酱配落蟹肉入面真系意想唔到咁夹🤤正！蒲烧原条鳗鱼$148重点黎啦😂呢条鳗鱼大条到连条茄子都比下去😄又大条又厚身，好味到不得了😋😋至尊牛肉锅寿喜烧汤底$98牛肉嘅肉质好鲜嫩，上枱时牛肉系半生熟，食之前用啲汤淋上面，一变色就食得，得咗😏炭烧鸡扒乌冬鲣鱼汤底$70呢个乌冬一食就知系手打好烟韧嘅乌冬，小编同太太都唔太钟意食淋身嘅乌冬，呢只乌冬就正合我哋意😊加上用铿鱼熬成嘅汤底，非常鲜味😋值得一提：店内员工嘅服务态度非常良好 及 殷勤！令我哋非常享受呢一餐，在此感谢她们的用心服务！😉
可乐饼28/2件
(紫芋可乐饼 同 芝士可乐饼)
紫芋饼入面好多紫芋 同 栗子蓉，材料好足，而芝士饼当然唔使讲啦，芝士控嘅我，当然觉得一流啦🤪
原条茄子🍆$48
即叫即烧，需时15-20分钟架，果然食好嘢系要有耐性架😆
蟹盖海胆酱黄金烧$38
海胆酱配落蟹肉入面真系意想唔到咁夹🤤正！
蒲烧原条鳗鱼$148
重点黎啦😂呢条鳗鱼大条到连条茄子都比下去😄又大条又厚身，好味到不得了😋😋
至尊牛肉锅寿喜烧汤底$98
牛肉嘅肉质好鲜嫩，上枱时牛肉系半生熟，食之前用啲汤淋上面，一变色就食得，得咗😏
炭烧鸡扒乌冬鲣鱼汤底$70
呢个乌冬一食就知系手打好烟韧嘅乌冬，小编同太太都唔太钟意食淋身嘅乌冬，呢只乌冬就正合我哋意😊加上用铿鱼熬成嘅汤底，非常鲜味😋
值得一提：店内员工嘅服务态度非常良好 及 殷勤！令我哋非常享受呢一餐，在此感谢她们的用心服务！😉
张贴
